މައިމީހާގެ ބަނޑުގައި ގަރުބަ ގަނެފައިވާ ދަރިފުޅުގެ ޑީއެންއޭ ނަގައިގެން ހަދާ ޓެސްޓް ކިޓް ތައްޔާރުކޮށްފައިވާ ކުންފުންޏާ ޗައިނާ ސިފައިންނާ ގުޅުން ހުރިކަމަށް ބެލެވިގެން ފަސް ގައުމަކުން ތަހުގީގެއް ފަށައިފިއެވެ.
ނިފްޓީގެ ނަމުން މަޝްހޫރު މިޓެސްޓް ކިޓް ޕްރޮމޯޓް ކުރާ ކްލިނިކްތަކާއި ޑޮކްޓަރުން ބުނެފައި ވަނީ، މި ކިޓް އުފައްދާ ޗައިނާގެ ޝެންޒެން ކުންފުންޏާ ޗައިނާ ސިފައިންނާ ދެމެދު އޮންނަ ގުޅުން އެމީހުންނަށް ކުރިން އެނގިފައި ނުވާ ކަމަށެވެ.
ނިފްޓީ ކިޓް 52 ގައުމެއްގައި ބޭނުންކޮށްގެން 8.4 މިލިއަން އަންހެނުންގެ ޑީއެންއޭ ނަގައިގެން ޓެސްޓް ކޮށްފައި ވެއެވެ. މިއީ ޑައުން ސިންޑްރޯމްއާއި އެހެނިހެން 80 ބާވަތެއްގެ ވިރާސީ ބަލިތަކެއް ހޯދައިގަނެ އެކަންކަމުގެ ދިރާސާއަށް ބޭނުން ކުރާ މަޢްލޫމާތު އެއްކުރުމަށް ޓެސްޓް ހަދާ ކިޓެކެވެ.
ޗައިނާއަކީ އެކި ގައުމުތަކުގެ އާބާދީގެ ވިރާސީ ބަލިތައް ހޯދައި ގަތުމާއި، އާބާދީގެ ޚާއްސަ ސިފަތައް ދިރާސާރުމުގެ މަސައްކަތުގައި ފުޅާ ދާއިރާއެއްގައި ހަރަކާތްތެރިވާ ގއުމެކެވެ. ނިފްޓީން ހޯދާ މަޢުލޫމާތު ޗައިނާގައި ހުންނަ ސާވާތަކުގައި ރައްކާ ކުރުމާއި އަދި ނިކްޓީ އުފައްދާ ކުންފުނިން ޗައިނާ ސިފައިންގެ ހަސްފަތާލުތަކާ ގުޅިގެން ދިރާސާތައް ހަދާފައިވާ ކަމަށްވެސް ބޭޒާރުވެފައި ވެއެވެ.
ޖަރުމަންވިލާތާއި އޮސްޓްރޭލިއާއާއި ކެނެޑާއާއި، އެސްޓޯނިއާއާއި، ސްލޮވީނިއާ އިން ބުނެފައި ވަނީ މި ކުންފުނީގެ މައްސަލަ ބަލަމުންދާ ކަމަށެވެ.
