އިންޑިއާގެ ހައިވޭތަކުގައި އަސްކަރީ މަތިންދާބޯޓް ޖެއްސޭގޮތަށް ހެދުމަށް މަސައްކަތް ފަށައިފިއެވެ. ކުއްލި ހާލަތުގައި އަސްކަރީ މަތިންދާ ބޯޓްތައް ޖެއްސުމަށް ހައިވޭތައް ތައްޔާރު ކުރުމުގެ ގޮތުން ރާޖިސްތާންގެ ނޭޝަނަލް ހައިވޭގައި އަސްކަރީ މަތިންދާބޯޓްތައް ޖައްސައި އެތަނުން އުދުހެވޭ ގޮތް ވަނީ ހަދާފައެވެ. އިންޑިއަގެ ހައިވޭ މިނިސްޓަރާއި ޑިފެންސް މިނިސްޓަރ ވަނީ މި މަސައްކަތް ބައްލަވާ ލައްވާފައެވެ.
މިއީ މި މަޝްރޫއުގެ ދަށުން ގާއިމް ކުރެވޭ މިފަދަ ދެވަނަ ހައިވޭ އެވެ. މީގެ ކުރިން އުއްތްރަ ޕްރަދޭޝްގެ އާގްރާ ލަކްނައު ހައިވޭއަށް އަސްކަރީ މަތިންދާބޯޓްތައް ޖައްސައި އުދުހެވޭ ގޮތް ވަނީ ހަދައި ދީފައެވެ.
އިންޑިއާއިން ވަނީ ހައިވޭތައް އަސްކަރީ ބޯޓްތަކަށް ބޭނުން ކުރުމުގެ މަގްސަދުގައި އެކި ސަރަހައްދުތަކުން 12 ހައިވޭއެއް ކަނޑައަޅާފަފއެވެ.
