ޕާކިސްތާންގެ އިންސާނީ ހައްގުތަކުގެ ހާލަތު ގޯސް ވަމުން ދިއުމާ ގުޅިގެން ޕާކިސްތާނާއެކު ވިޔަފާރި މުއާމަލާތު މުރާޖައާ ކުރުމަށް ވިލާތު އިއްތިހާދުން ހުށަހަޅައިފިއެވެ. ޖެނުއަރީ 2014 ން ފެށިގެން ޕާކިސްތާނަށް ވަނީ އިއްތިހާދާއެކު ވިޔަފާރި ކުރުމުގައި އެއްބަސްވުމެއްގެ ދަށުން ޚާއްސަ އިމްތިޔާޒެއް ދީފައެވެ.
ޕާކިސްތާންގެ ވިޔަފާރި ވަނީ ޔޫރަޕްގެ އިއްތިހާދާއެކު ކުރިއަރައިގެން ގޮސްފައެވެ. ކުރިން ފަސް ހަތަރު ބިލިއަން ޔޫރޯގައި އުޅުނު ވިޔަފާރި ވަނީ އައު އެއްބަސްވުމާއެކު އަށް ބިލިއަން ޔޫރޯއާ ކައިރިކުރާ އަދަދަކަށް އިތުރުވެގެން ގޮސްފައެވެ.
ޕާކިސްތާންގެ ބޭރުގެ ވިޔަފާރީގެ 28 އިންސައްތަ ދަނީ ވިލާތު އިއްތިހާދުގެ ގައުމުތަކަށެވެ.
ޖަމާއަތުން ތައްޔާރުކޮށްފައިވާ އަހަރަކު ތިން ފަހަރަށް ނެރޭ ރިޕޯޓްގައި ބުނެފައި ވަނީ ޕާކިސްތާނުން އިންސާނީ ހައްގުގެ މުއާމަލާތުގައި ކުރިއެރުމެއް ހޯދާފައި ނުވާ ކަމަށެވެ. ގިކނަ މައްސަލަތަކަކީ އަންހެނުންގެ ހައްގުތަކުގެ މައްސަލައާއި ދީނަށް ފުރައްސާރަ ކުރުގެ ސަބަބުން ޖަލަށް ލާ މީހުންގެ މައްސަލަތަކެވެ.
ވަކިން ޚާއްސަ ގޮތަކަށް ޕާކިސްތާނުން ތާލިބާނަށް ތާއީދު ކުރުމަކީވެސް މީގެ ތެރޭގައި ހިމެނޭ މައިގަނޑު ސަބަބެކެވެ.
ތަޖުރިބާކާރުން ދެކޭ ގޮތުގައި އަފްޣާނިސްތާންގެ އިންތިޚާބީ ސަރުކާރު ވައްޓާލުމުގައި ޕާކިސްތާނުން ވަނީ ސީދާ ދައުރެއް ކުޅެ ތާލިބާނަށް މަދަދުވެރިވެފައެވެ.
