އިންޑިއާގެ އާބާދީއަކީ 1.3 ބިލިއަން އެވެ. މި އާބާދީގެ ދިހައެއް ނުވަތަ ފަނަރަ ޕަސެންޓް މީހުން އަތުކުރީ ގަޑި ގަންނަނަމަ އެއީ އެތައް ގައުމެއްގެ އާބާދީއަށް ވުރެން އެފަދަ ވިޔަފާރިއަކަށް ފަހި އަދަދެކެވެ. 2019ގައި އިންޑިއާގައި 452 މިލިއަން ޑޮލަރަށް ވާވަރަށް އަތުކުރީ ގަޑި ވިއްކާފައި ވެއެވެ.
ކޮވިޑް ތެރޭގައި ވިޔަފާރިތައް ބަންދުވެ، މުއާމަލާތުތަކަށް އަސަރު ކުރިނަމަވެސް އިންޑިއާގައި ގަޑި އުފައްދައި ވިއްކާ ކުންފުނިތައް ވަނީ އޮންލައިން ކޮށް ވިޔަފާރިކޮށް ކުރި ހޯދާފައެވެ.
އިންޑިއާ އަކީ ކުރިންވެސް ގަޑި އުފެއްދުމުގެ ސަގާފަތެއް އޮތް ގައުމެކެވެ. ކުރިން ގަޑި އުފެއްދި އެޗްއެމްޓީ ކުންފުނި ވަނީ މިހާރު ބަންދު ކޮށްފައެވެ. ނަމަވެސް އަލަށް ވުޖޫދަށް އައި ޓާޓާ ކުންފުނީގެ ޓައިޓަން އިން ވަނީ މިހާތަނަށް 150 މިލިއަން ގަޑި ވިއްކާފައެވެ. ޓައިޓާން އަކީ އިންޑިއާގެ ގަޑީގެ ވިޔަފާރީގެ 65 އިންސައްތަ ކޮންޓްރޯލް ކުރާ ކުންފުންޏެވެ. ޓައިޓާންއާއެކު ދެން ގަޑި އުފެއްދުމުގައި އިންޑިއާގައި އިސްވެ އުޅެނީ ބެންގަލޯރ ކުންފުންޏަކާއި ޖައިޕޫރު ކުންފުންޏެކެވެ. އޮންލައިންކޮށް ތިން ކުންފުނިން ވެސް ކޮވިޑްގެ ތެރޭގައި ހުއްޓުމެއް ނެތި ގަޑި ވިއްކާފައެވެ. ނިއުޔޯރކް ޓައިމްސް
