އަފްޣާނިސްތާންގެ ރިއާސީ ގަނޑުވަރުގައި، 9/11 އަށް 20 އަހަރު ފުރުނު މުނާސަބާގައި، ތާލިބާންގެ ދިދަ ވިހުރުވަން ފަށައިފިއެވެ. ތާލިބާންގެ ސަރުކާރުން އަފްޣާނިސްތާންގެ ފިނޭންސް މިނިސްޓްރީގެ އަންހެން މުވައްޒަފުންނަށް ގޭގައި މަޑުކުރަން އަންގައިފިއެވެ. އަދި ފިރިގެން މުވައްޒަފުން ވަޒީފާއަށް ނިކުތުމަށްވެސް އަންގައިފިއެވެ. ވަޒީފާއަށް ނުނިކުންނަ މީހުން ހާޒިރު ނުވާކަމަށް ބަލާނެ ކަމަށާއި ފަހަރެއްގައި ބައެއް މީހުން ވަޒީފާއިން ވަކި ކުރާނެ ކަމަށްވެސް އިންޒާރު ދީފައި ވެއެވެ.
ފިނޭންސް މިނިސްޓްރީން އަންހެން މުވައްޒަފުންނަށް އަންގާފައި ވަނީ އެމީހުންނަށް ވަޒީފާ އަދާ ކުރެވޭފަދަ އެކަހެރި މާހައުލެއް ގާއިމް ކޮށްފައި އަންގަންދެން އެމީހުން ގޭގައި ތިބުމަށެވެ.
އަފްޣާނިސްތާންގެ ސަރުކާރުގެ ވަޒީފާތަކުގައި ހަތަރު ލައްކަ މުވައްޒަފުން އުޅެއެވެ. މިއިން ދޮޅު ލައްކައެއްހައި މުވައްޒަފުންނަކީ އަންހެނުންނެވެ. އުގަންނައި ދިނުމުގެ ދާއިރާއާއި ސިއްޙީ ޚިދުމަތްތެރިންގެ ގެގޮތުގައި ގިނަ އަދަދެއްގެ އަންހެން މުވައްޒަފުން އުޅެއެވެ. އަދި ސަލާމަތީ ދާއިރާގައިވެސް ފަސް ހާހެއްހައި އަންހެނުން އުޅެއެވެ.
