ޗައިނާގެ ވާދަވެރި މުޖުތަމައުގައި ދިރިއުޅުމުގެ ފުރުސަތުތައް އިތުރު ކުރުމުގެ ގޮތުން ރީތިވުމަށްޓަކައި ސިފަ ބަދަލުކުރާ ސާޖަރީތައް ހެދުމަކީ އާންމު ކަމެކެވެ. އުމުރުން 30 އަހަރު ވުމުގެ ކުރިން، ހުނަރުވެރި، މަތިން މުސާރަ ލިބޭ ފިރިހެނުންގެ 17 އިންސައްތަ ރީތި ވުމަށް ސާރޖަރީއެއް ނުވަތަ އެތަކެއް ސާޖަރީއެއް ހަދާކަމަށް އައިރިސާޗް ގެ ދިރާސާއިން ދައްކައެވެ.
ޗައިނާގެ ފިރިހެނުން ރީތި ވުމަށް ބަދަލު ގެނެވޭ ކަންކަމުގެ ތެރޭގައި ހަނގަނޑުގެ ކުލަ އަލިކުރުމާއި ލޮލާއި ނޭފަތުގެ ބައްޓަމަށް ބަދަލު ގެނައުމާއި ކުޑަ މިންވަރަކަށް އަންހެން ވަންތަ ސިފައެއް ޖައްސާލުން ހިމެނެއެވެ. މީގެ ސަބަބުން ފިރިހެނާއަށް ލޯބި ލިބޭ މިންވަރު އިތުރު ވެގެން ދެއެވެ.
ޝިއާ ޝްރޯންގ (ފޮޓޯގައި) ބުނާ ގޮތުން އޭނާގެ މޫނުމަތިން މުސްކުޅި އަންކަލްއެއްގެ ސިފަ ފެނުމަށްވުރެން "ކުޑަ އަންހެން ވަންތަކަމެއް" ދައްކާލަން ބޭނުންވާތީ އޭނާ ސާރޖަރީ ހަދަން ބޭނުންވީ އެވެ. މި ސާޖަރީއަށް ޝިއާ 6100 އެމެރިކާ ޑޮލަރު ހޭދަ ކުރިއެވެ. އޭނާއަކީ ރަށް ފުށުގައި އުފަން އަދި އެތާގައި އުޅެ ބޮޑުވެފައިވާ މީހެކެވެ. މިހާރު ބެއިޖިންގ ގައި އުޅޭތީ އޭނާ ބޭނުންވަނީ އެހިސާބުގައި މީހުންގެ މެދުގައި މަގްބޫލު ސިފައަށް ބަދަލު ވެގަންނާށެވެ.
ޗައިނާގެ މަޝްހޫރު މޮޑެލް ނާއި ވެން އަކީ އޭނާގެ ސިފަ ރީތި ކުރުމަށް 60 ޕްރޮސެޖަރއެއް ހައްދާފައިވާ މީހެކެވެ.
އައި ރިސާޗް އިން ބުނާ ގޮތުން ޗައިނާގެ ކޮސްމެޓިކް ސާޖަރީގެ ދާއިރާއަކީ އަހަރަކަށް 30 ބިލިއަން ޑޮލަރުގެ އާމްދަނީއެއް އުފައްދާ ދާރިއާއެކެވެ.
