ދެކުނު ކޮރެއާގެ ޑިޕްލޮމޭޓުން ޗައިނާގައި ޗައިނާ ވެކްސިން ޖެހުމަށް ބޭނުންފުޅު ނުވާކަމަށް ކޮރެއާ މީޑިއާއިން ރިޕޯޓް ކޮށްފިއެވެ. ބެއިޖިންގ ގައި ހުންނަވާ ދެކުނު ކޮރެއާ އެމްބެސެޑަރާއި އެހެން ޑިޕްލޮމޭޓުން ވެސް މަޑުކޮށްގެން ތިއްބެވީ ރަސްމީ މަސައްކަތެއްގައި ސޯލް އަށް ވަޑައިގެން ޗައިނާ ވެކްސިން ނޫން ވެކްސިންއެއް ލިބިގަތުމަށްކަމަށް ކޮރެއާ ޓައިމްސްއިން ބުނެއެވެ.
ޗައިނާގެ ވެކްސިންގެ ދެ ޑޯޒް ޖެހުމަށްފަހުވެސް ކޮވިޑަށް ފައްސިވަމުން ދިއުމުގެ ސަބަބުން ބައެއް ގައުމުތަކުގައި ތިންވަނަ ޑޯޒެއް ޖެހުމަށް އަންގައެވެ.
ދެކުނު ކޮރެއާގެ މިނިސްޓްރީ އޮފް ފޮރިން އެފެއާޒުންވެސް ވަނީ ޑިޕްލޮމޭޓުންގެ ވެކްސިންގެ ރެކޯޑް ޑޭޓާ މީޑިއާ ޙިއްސާ ކޮށްފައެވެ. ޗައިނާގައި ތިއްބެވި ދެކުނު ކޮރެއާގެ 79 ޑިޕްލޮމޭޓުންގެ ތެރޭން ވެކްސިން ޖައްސަވާފައި ވަނީ 35 ޑިޕްލޮމޭޓުންނެވެ.
ހޮންގ ކޮންގގައި ހުންނަ ދެކުނު ކޮރެއާގެ ކޮންސިއުލޭޓްގެ އެންމެ ސްޓާފެއް ފިޔަވައި ދެންތިބި އެންމެން ވަނީ ވެކްސިން ޖަހާފައެވެ. ހޮންކޮންގ ގައި ޖަހަނީ ފައިޒާ ވެކްސިނެވެ.
ޗައިނާއިން ވެކްސިން ހަދިޔާ ކުރުމުން އުތުރު ކޮރެއާއިންވެސް ވަނީ ޗައިނާ ވެކްސިން ގަބޫލު ނުކުރާނެ ކަމަށް ބުނެފައެވެ.
