ރަބަރު ޑިންގީއެއްގައި ޓައިވާންގެ ސަރަހައްދަށް ވަން ޗައިނާ މީހަކު ޓައިވާނު ކޯސްޓްގާޑްގެ ބެލުމުގެ ދަށަށް ގެންގޮސްފިއެވެ. ކޯސްޓްގާޑުން އައްސޭރިފަށް ފޯރި މެރުމުގެ ތެރޭގައި ޑިންގީއެއް ފެނިގެން އެ ޑިންގީ އެމީހުންގެ ބެލުމުގެ ދަށަށް ގެންގޮގެން ސުއާލު ކުރީއެވެ.
މީގައި ދަތުރުކުރި އުމުރުން 50 އަހަރުގެ ފިރިހެން މީހާ ބުނިގޮތުގައި އޭނާ ދަތުރު ފެށީ ޗައިނާގެ ޝިއާމަން ރީޖަން އިންނެވެ. އަދި އޭނާ ބޭނުން ވަނީ މިނިވަންކަމާއި ޑިމޮކްރެސީ އެހެންވެ. އެހެންވެ، ޗައިނާ ދޫކޮށް ދިއުމަށް އޭނާ ނިންމީއެވެ.
ގަވާއިދާ ޚިލާފަށް ޓައިވާން ސަރަހައްދަށް ވަދެފައި ވުމުން އޭނާ ވަނީ ކޯސްޓްގާޑްގެ ބެލުމޖުގެ ދަށުގައެވެ. އަދި އޭނާ މި ވަގުތު ވަނީ ކަރަންޓީނު ގައި ބެހެއްޓިފައެވެ.
