ޗައިނާގައި ރަށްފުށުގެ ހިސާބުގައި މައިންބަފައިންނާ ވަކިވެފައިވާ ކުޑަކުދިންގެ މައްސަލަ ބޮޑު މައްސަލައަކަށް ވެއްޖެއެވެ. ރަށްފުށުގެ ހިސާބުތަކުން ސިޓީތަކަށް ވަޒީފާއަށް އަންނަ މީހުން އަންނަނީ، އެމީހުންގެ ކުދިންތަށް ރަށްފުށުގައި ބައިތިއްބާފައެވެ. ސިޓީތަކުގެ ދިރިއުޅުގެ އަގުތައް މަތިކަމުން ކުދިން ގޮވައިގެން އުޅުން ފަސޭހައެއް ނޫނެވެ.
ރަށް ފުށުގެ ހިސާބުތަކަށް ދޫކޮށްލާފައިވާ ކުދިންގެ އާބާދީ 60 މިލިއަން އަށް އަރާނެ ކަމަށް ބެލެވެއެވެ. އުމުރުން 17 އަހަރުން ދަށުގެ މިކުދިންނަކީ ޗައިނާގެ އާބާދީގެ ފަސްބައިކުޅަ އެއް ބައެވެ.
މިއިން ބައެއް ކުދިންނަކީ ބައްޕަމެން ސިޓީއަށް މަސައްކަތު ދިއުމުން މަންމަ ކައިރީގައި ތިބޭ ކުދިންނެވެ. އަނެއް ބައި ކުދިންނަކީ މަންމައާއި ބައްޕަވެސް މަސައްކަތު ދިއުމުން މާމައާއި ކާފަ ކައިރީގައި ބައިތިއްބާފައިވާ ކުދިންނެވެ. އަދި 11 ޕަސެންޓް ކުދިން އެކުދިން އަމިއްލައަށް އުޅޭކަމަށްވެސް ވެއެވެ.
އިޖުތިމާއީ އިލްމުވެރިން ބުނާ ގޮތުން މިއީ އެތެރޭގެ ހިޖުރަ ކުރުމުގެ ސަބަބުން ދުމާވެފައިވާ އެންމެ ބޮޑު އިޖުތިމާއީ މައްސަލައެވެ. 2015ގައި ޔުނިސެފުން ބުނެފައި ވަނީ ޗައިނާގެ އާބާދީގައި އެތެރޭގެ ހިޖުރަ ކުރުމުގެ ސަބަބުން ކޮންމެ ތިން ކުދިންގެ ތެރޭން އެކަކަކީ މައިންބަފައިންގެ ތެރޭން ދެމީހުން ނުވަތަ އެކަމަކާ ނުލައި ދިގު މުއްދަތަކަށް ވަގުތު ހޭދަކޮށްފައިވާ ބައެކެވެ.
ޗައިނާގެ "ލެފްޓް ބިހައިންޑް ޗިލްޑްރެން" ގެ މއްސަލަ ދުނިޔޭގެ ސަމާލުކަމަށް އައީ 2015 ވަނަ އަހަރު ގުއިޒޫ ޕްރޮވިންސްގައި މައިންބަފައިން ކުދިން ދޫކޮށްލާފައި ވަޒީފާއަށް ދިއުމުން އެކުދިން އަމިއްލަ މަރުވި ހާދިސާ ދުނިޔޭގެ ސަމާލުކަމަށް އައުމުންނެވެ.
