ޗައިނާ ޖަހާލާފައި ދިއުމުގެ ގޮތުން އިންޑިއާއިން އެފްރިކާ ބައްރުގެ ގައުމުތަކާއެކު އަސްކަރީ މަޝްވަރާތައް ބޭއްވުމުގެ މަސައްކަތް ފަށައިފިއެވެ. އިންޑިއާގެ ދިފާއީ ވަޒީރު އެފްރިކާގެ ގައުމުތަކުގެ ދިފާއީ ވަޒީރުންނާ ބައްދަލު ކުރެއްވުމަށް ހަމަޖައްސަވާފައި ވެއެވެ. އަދި އޭގެ އިތުރުން އެފްރިކާ އިންޑިއާގެ އަސްކަރީ މަޝްވަރާތައް އަންނަ އަހަރު އޮންނަ ދިފާއީ މައުރަޒުގައި ބޭއްވުމަށްވެސް ހަމަޖެހިފައި ވެއެވެ. މިއީ ގުޖުރާތުގެ ގާނދީނަގަރުގައި އޮންނަ މައުރަޒްގެ ހަވާސާގައި ބާއްވާ މަޝްވަރާތަކެކެވެ.
އިންޑިއާ އެފްރިކާ ޑިފެންސް ޑައެލޮގް ފެށިފައި ވަނީ އުއްތުރަ ޕްރަދޭޝްގެ ލަކްނައުގައި މިދިޔަ އަހަރު ބާއްވާފައިވާ ދިފާއީ މައުރަޒުންނެވެ.
އިންޑިއާއިން ކޮންމެ ދެ އަހަރަކުން އެއްފަހަރު އަސްކަރީ ސާމާނު ދައްކާލުމަށް ދިފާއީ މައުރަޒު ބާއްވައެވެ.
އިންޑިއާއިން ވަނީ އެފްރިކާގެ ގައުމުތަކާއެކު އަސްކަރީ ގުޅުން ހަރުދަނާ ކުރުމަށް އެފްރިކާގެ 18 ގައުމެއްގެ ސިފައިންނާއެކު އިންޑިއާގައި 2019ގައި އަސްކރީ ތަމްރީންވެސްބާއްވާފައެވެ.
