އިންޑިއާގެ ވެކްސިން ޖެހުމުގެ މަސައްކަތަށް ދުނިޔޭގެ ސިއްޙަތު ޖަމުއިއްޔާއިން ތަޢުރީފް ކޮށްފިއެވެ. ހޯދަ ދުވަހުވެސް އިންޑިއާއިން ވަނީ 6.7 މިލިއަން ޑޯޒް ވެކްސިން ޖަހާފައެވެ.
އިންޑިއާއިން ދުވާކެއްގެ މައްޗަށް އެންމެ ގިނައިން އެއް ދުވަހު ވެކްސިން ޖަހާފައި ވަނީ 10 މިލިއަން ވެކްސިންއެވެ.
އިންޑިއާ އިން ބުނާ ގޮތުން މިހާތަނަށް 750 މިލިއަން މީހުންނަށް ވެކްސިން ޖެހިފައި ވާނެއެވެ. އަމިއްލަ އާބާދީއަށް ވެކްސިން ޖަހައި ނިންމުމުގެ މަގްސަދުގައި އިންޑިއާއިން ވަނީ ބޭރަށް ވެކްސިން ދިނުންވެސް ހުއްޓާލާފައެވެ.
އާބާދީގެ ވެކްސިން ޖަހަން ޖެހޭ އުމުރު ފުރައިގެ 60 އިންސައްތަ މީހުންނަށް މިހާތަނަށް އެއް ޑޯޒް ދެވިފައި ވާނެ ކަމަށް އިންޑިއާއިން ބުނެއެވެ.
ދުނިޔޭގެ ސިއްޙަތު ޖަމުއިއްޔާއިން ބުނެފައި ވަނީ އިންޑިއާއިން ވެކްސިން ޖެހުމުގެ މަސައްކަތް ގެންދަނީ މީގެ ކުރިން ދުވަހަކުވެސް ފެނިފައި ނުވާހައި ހަލުއި މިނެއްގައެވެ.
އިންޑިއާއިން ފުރަތަމަ 100 މިލިއަން ވެކްސިން ޖަހާފައި ވަނީ 85 ދުވަސް ތެރޭގައެވެ. އަދި 750 މިލިއަން ވެކްސިން ޑޯޒް ޖަހާފައި ވަނީ 13 ދުވަސް ތެރޭގައެވެ.
