ތާލިބާންގެ ވެރިކަމާ ދެކޮޅުވެރިން ކޮންޓްރޯލް ކުރުމުގެ ގޮތުން ޗައިނާގެ ސައިބާ ޖާސޫސުންގެ ފައުޖެއް ބޭނުން ކުރަން ތާލިބާނުން ފަށައިފިއެވެ. ތާލިބާންގެ އެދުމަށް ޗައިނާއިން ވަނީ މަތީ ފެންވަރުގެ ސައިބާ ޖާސޫސުންގެ ބަޔަކު ކާބުލްއަށް ފޮނުވާފައެވެ.
ހުޅަނގުގެ ޖާސޫސީ ފަރާތްތަކާ ހަވާލާދީ، އިނގިރޭސި މިރަރ ނޫހުން ބުނެފައި ވަނީ މިމީހުންގެ މަސައްކަތަކީ، މިސްމީޑިއާއާއި އިންޓަރނެޓް ބޭނުން ކުރާ ގޮތް މޮނީޓާކޮށް، މޮބައިލް ފޯނާއި ލޭންޑްލައިން ފޯނުތައް އަޑު އެހުމެވެ.
މީގެ މަގްސަދަކީ އަރަބި ގައުމުތަކުގައި އުފެދުނު ގޮތަށް ތާލިބާނާ ދެކޮޅަށް އޮއިވަރެއް އާންމު ވިޔަ ނުދިނުމަށް މަސައްކަތް ކުރުމެވެ.
އެމެރިކާގެ ފަރާތްތަކާ ޙަވާލާދީ ބުނެފައި ވަނީ ތާލިބާނުންނަށް މިފަދަ ދުވަހެއްގައި އެހީތެރިކަން ފޯރުވައި ދިނުމަށް ޗައިނާއިން ބޭނުންވެފައިވާތާ ކިތަންމެ ދުވަހެކެވެ.
ތާލިބާނާ ދެކޮޅަށް އެންމެ ހަރަކާތްތެރި ބަޔަކީ އަންހެނުންނެވެ. އަދި އުތުރުގައި އަހްމަދު މަސްއޫދުގެ ހަނގުރާމަވެރިންވެސް ދަނީ ތާލިބާނާ ދެކޅަށް މަސައްކަތް ކުރަމުންނެވެ.
