ޗައިނާއިން އިނގިރޭސިވިލާތަށް ކަނޑައަޅާފައިވާ އެމްބެސެޑަރަށް އިނގިރޭސި ޕާލަމެންޓަށް ނު ވަދެވޭނެކަމަށް ކަނޑައަޅައިފިއެވެ. ހުރިހައި ޕާޓީތަކުން ޗައިނާއާ ބެހޭ ގޮތުން ބާއްވާފައިވާ ރިސެޕްޝަނަށް ޗައިނާ އެމްބެސެޑަރު ޝެންގ ޒޭގުއާންގް ނު ވެއްދީ، ޗައިނާއިން އިނގިރޭސިވިލާތުގެ ޕާލަމެންޓްގެ މެމްބަރުންނާ ދެކޮޅަށް ދަތިކުރުމުގެ ފިޔަވަޅުތައް އަޅާފައި ހުރުމުގެ ސަބަބުންނެވެ.
ޗައިނާ އެމްބަސީން ބުނެފައި ވަނީ އިނގިރޭސި ޕާލަމެންޓަށް ޗައިނާ އެމްބެސެދަރު ނުވެއްދުމަކީ ވަރަށް ދަށުދަފރަޖައިގެ ފިނޑި އަމަލެއް ކަމަށެވެ. އަދި މިއީ ދެގައުމުގެ ގުޅުމަށް އެއިން ބުރޫއަރާނެފަދަ އަމަލެއް ކަމަށެވެ.
ޗައިނާއާ ބެހޭ ގޮތުން ދޮގު ވާހަކަ ފަތުރަނީ ކަމަށް ބުނެ، މާޗް މަހު ޗައިނާއިން ވަނީ އިނގިރޭސި އެމްޕީންނަށް ޗައިނާއާއި ހޮންގކޮންގއަށް ދަތުރު ނުކުރެވޭނެކަމަށް ބުނެފައެވެ. އަދި މި އެމްޕީންގެ އެސެޓްތައް ފްރީޒް ކުރުމަށް ވެސް ޗައިނާއިން ނިންމާފައި ވެއެވެ.
ޗައިނާއިން އިނގިރޭސި އެމްޕީންނާ މެދު މިފިޔަވަޅު އަޅާފައި ވަނީ ޝިންޖިއާންގައި ޗައިނާއިން ހިންގާ އަމަލުތަކަކީ ގަތުލުއާންމެއް ކަމަށް އެފަރާތްތަކުން ސިފަ ކުރުމުންނެވެ.
