ދުނިޔޭގެ އެންމެ އީޖާދީ ގައުމުތަކުގެ ތެރޭގައި ހިމެނެނީ، ފަސް ގައުމެކެވެ. އެއީ، ސުއިޒަލޭންޑާއި ސުއިޑެންއާއި ޔޫއެސްއާއި ޔޫކޭއާއި ދެކުނު ކޮރެއާއެވެ. އިންޑިއާ ހިމެނެނީ މެދު ފަންތިން އާމްދަނީ ލިބޭ ގައުމުތަކުގެ ލިސްޓްގައި ދެވަނައަށެވެ.
ކޮންމެ އަހަރަކުވެސް ދުނިޔޭގައި އީޖާދީ ގައުމުތައް ލިސްޓްކޮށް ގިންތި ކުރެއެވެ. އެގޮތުން އިންޑިއާ ލިސްޓް ކޮށްފައި ވަނީ 2015ގައި 81 ވަނައި ގައެވެ. ނަމަވެސް މަޑުމަޑު މައްޗަށް ޖެހެމުން ގޮސް މިހާރު އިންޑިއާއިން ވަނީ 2021ގައި 46 ވަނައަށް އަރާފައެވެ.
އިންޑިއާ އުފެއްދުންތެރި ގައުމުތަކުގެ ލިސްޓްގައި ކުރި ހޯދާފައި ވަނީ އިންޑިއާއިން ކޮވިޑް19ގައި އައު ކަންކަމަށް ހުޅުވާލުމާއި އިންޑިއާގައި އަމިއްލަ އުފެއްދުމަށް ހިތްވަރު ދިނުމަށް ސަރުކާރުން ފަށާފައިވާ މަސައްކަތާ ގުޅިގެންނެވެ. އިންޑިއާގައި ކުރި ޖހޮދަމުންދާ ދާއިރާތަކަކީ، އިލެކްޓްރިކް ވެހިކަލްގެ ދާއިރާއާއި ބަޔޯޓެކްނޮލޮޖީއާއި ނޭނޯޓެކްނޮލޮޖީއާއި ސްޕޭސްއާއި ތެލުގެ ބަދަލުގައި އެހެން މާއްދާތަކުން ހަޖަތަ އުފެއްދުމުގެ ދާއިރާގައެވެ.
އިންޑިއާއިން ބުނާ ގޮތުން އެގައުން އީޖާދީ ގައުމުތަކުގެ ލިސްޓްގައި ކުރި ހޯދަމުން ދަނީ ސައިންސާއި އިންޖިނިއަރިންގގެ ރޮގުން މަތީ ތަޢުލީމު ހާސިލުކުރާ ޒުވާނުންނާ ހެދިއެވެ.
