އެތައް މަހެއް ވަންދެން އިންޑިއާއިން ކެނެޑާއަށް ދަތުރުކުރުން ހުއްޓާލާފައި އޮތުމަށްފަހު، ދެ ގައުމުގެ ދެމެދު ވައިގެ ދަތުރު ހުޅުވާލުމަށް ނިންމައިފިއެވެ.
އެއަރ ކެނެޑާއާ ސުއާލު ކުރުމުން ބުނެ ފައިވަނީ ދާދި އަވަހަށް ނިއުދިއްލީން ޓޮރޮންޓޯއަށް ވައިގެ ދަތުރުފަތުރު ފަށާނެ ކަމަށެވެ. އަދި ސަތުރު ކުރާ ކޮންމެ ފަސިންޖަރެއްގެ އަތުގައި ނެގެޓިވް ޕީސީއާރް ޓެސްޓް ހެދި ކަމުގެ ސައްހަ ލިޔުމެއް އޮންނަން ވާނެ ކަމަށެވެ. އަދި މި ޓެސްޓަކީ 18 ގަޑި އިރު ނުވާ ޓެސްޓެއްކަމުގައި ވާންވާނެއެވެ. އަދި އެއަރ ކެނެޑާއިން ބަލައި ގަންނަ ޓެސްޓަކީ ނިއުދިއްލީގެ އިންދިރާގާނދީ އިންޓަރނޭޝަނަލް އެއަރޕޯޓްގެ ޓާމިނަލް 3 ގައި ޓެސްޓް އެކަނިކަމަށްވެސް ބުނެފައި ވެއެވެ.
އެއަރ ކެނެޑާއިން އިންޑިއާ ދަތުރުތައް ހުއްޓާލީ، އިންޑިއާގައި ކޮވިޑް19ގެ ކޭސްތައް އިތުރުވާން ފެށުމުންނެވެ.
ކެނެޑާއަށް ވަޒީފާއަށް ދާ އިންޑިއާ މީހުން މިދުވަސްވަރު ރާއްޖޭގައި ގިނަ އަދަދަކަށް ކަރަންޓީނަށް އާދެއެވެ. ނަމަވެސް ސީދާ ދަތުރުތައް ހުޅުވާލުމާ ގުޅިގެން މި އަދަދު ދަށްވާނެ ކަމަށް ބެލެވެއެވެ.
