އިންޑިއާގައި ކޯވިޑް19 އަބަދުވެސް އުޅޭނެ ކަމަށާއި އެއާއެކު އުޅެން ޖެހިފައިވާ ކަމަށް އިސް ވައިރޮލޮޖިސްޓަކު ހާމަ ކުރައްވައިފިއެވެ. އެކަމަކު އިންޑިއާގައި ކޮވިޑް 19 ފެތުރުނަސް ކުރިން ފެތުރިގެން ދިޔަ ފަދަ ނުރައްކާތެރި ގޮތަކަށް ނުފެތުރޭނެ ކަމަށްވެސް އޭނާ ބުނެއެވެ.
ވެއްލޫރުގެ ކްރިސްޓިއަން މެޑިކަލް ކޮލެޖްގެ ޑރ. ގަންގާދީޕް ކަންގް ހާމަކުރާ ގޮތުގައި އިންޑިއާގައި ފެސްޓިވަލްތައް އޮތުމުން އަދި މީހުންގެ ސުލޫކުތައް މި ފެސްޓިވަލްތަކާ ދިމާކޮށް ބަދަލު ނުވަނީ ނަމަ ދޭތެރޭން ބަލި، ބައެއް ސަރަހައްދުތަކުގައި ފެތުރޭނެ ކަމަށް ވެސް އޭނާ ބުނެއެވެ. ނަމަވެސް އެއީ ފުޅާ ދާއިރާގެއްގައި އެންމެނަށް އެއިން އަސަރު ކުރާ ކަމަކަށް ނުވާނެ ކަމަށް ވެސް ބުނެއެވެ.
ޑރ.ކަންގް ބުނާ ގޮތުން އިންޑިއާގެ އާބާދީގެ ހަތަރު ބައިކުޅަ އެއްބައި މީހުން މިވައިރަސްއާ ލައިގަންނާނެއެވެ. އޭނާ ކިޔައި ދިން ގޮތުގައި އަރިދަފުސް ރޯގާ ފަދަ ރޯގާތަކާއެކުވެސް އާބާދީތައް މިހާރު ދިރިއުޅެން ދަސްވެފައިވާ ކަމަށެވެ. ކުރިއަށްއޮތް ތާނގައިވެސް ކޮވިޑް19ވެސް އެފަދަ އެއްޗަކަށް ވާނެ ކަމަށް އޭނާ ބުނެއެވެ.
