އިންޑިއާގެ ޒީ ނެޓްވަރކްގެ ޗެނަލްތަކާއި ސްޓޫޑިއޯ ވިޔަފާރިތައް ސޮނީއާ އެއްކޮށްލުމަށް ނިންމައިފިއެވެ. 90 ދުވަސް ވަދެން ވިޔަފާރި މަޝްވަރާތައް ކުރިއަށް ގެންދިއުމަށް އެއްބަސްވެ ނިންމާފައިވާ ނިންމުމުގައި ވަނީ އެއްކޮށްލާ ދެ ކުންފުނީގެ 53 ޕަސެންޓް ހިއްސާ އޮންނާނީ ސޮނީގެ ޙިއްސާދާރުންނަށް ކަމަށެވެ. ބާކީ ޒީގެ ހިއްސާދާރުންނަށެވެ.
މި ދެކުންފުނި އެއްކޮށްލުމުން ދެ ކުންފުނި ވެގެންދާނީ އިންޑިއާގެ މުނުފޫހި ފިލުވުމުގެ ދާއިރާގެ އެންމެ ބޮޑު ދެކުންފުންޏަށެވެ. ދެން މިކުންފުންޏާ ވާދަ ކުރެވޭނީ ސްޓާރ އެންޑް ޑިޒްނީ އިންޑިއާއަށް އެކަންޏެވެ.
ހަތަރު ހާސް މުވައްޒަފުންނާއެކު ދެ ކުންފުނި ބަލަހައްޓާނީ ޒީގެ މިހާރުގެ ސީއީއޯއެވެ.
އިންޑިއާގެ ސޮނީ ޕިކްޗަރޒް ނެޓްވަރކްސް އަކީ ޖަޕާނުގެ ކުންފުންޏެކެވެ. މިއީ 1.5 ބިލިއަން ޑޮލަރުގެ އަގުހުރި ކުންފުންޏެކެވެ. މި ދެކުންފުނި އެއްކޮށްލުމުން ދެ ކުންފުނީގެ ދަށުގައި 75 ޗެނަލެއް އޮންނާނެއެވެ.
