އަސްކަރީ މަތިންދާ ބޯޓްތައް އުފެއްދުމަށް ހަވާލުކުރާ އެންމެ ބޮޑު އެއް ބީލަން ކާމިޔާބު ކޮށްފައިވާ ޓާޓާ އިން އެއަރބަސްއާ ގުޅިގެން އުފައްދާ މަތިންދާ ބޯޓްގެ އެއްބަސްވުމުގައި މިއަދު ސޮއިކުރާނެއެވެ. މި އެއްބަސްވުމުގެ ދަށުން ޓާޓާއާއި އެއަރބަސްއިން މި މަތިންދާ ބޯޓްތައް އުފައްދާނީ އިންޑިއާގައެވެ.
ދެކުންފުނިން ބުނާ ގޮތުން ހައުދަރްއާބާދު ނުވަތަ ބެންގަލޯރާ ކައިރީގައި ނުވަތަ ގުޖުރާތު ނޫނީ ޔޫޕީގެ ހިސާބެއްގައި މި މަތިންދާ ބޯޓް އުފައްދާ ފެކްޓްރީ އަޅާނެއެވެ.
އިންޑިއާގެ ކެބިނެޓުން މި މަސައްކަތް ޓާޓާއާ ހަވާލުކުރުމަށް ނިންމާފައި ވަނީ މީގެ ދެހަފްތާ ކުރިންނެވެ.
އިންޑިއާ ސިފައިން ވަނީ ސިފައިން އުފުލުމަށް ބޭނުން ކުރާ ސީ295 މަރުކާގެ 56 ބޯޓެއް ގަތުމަށް ނިންމާފައެވެ. މި ބީލަން ކާމިޔާބު ކުރުމުން ޓާޓާ އިން ވަނީ އެއަރބަސްއާ ގުޅިގެން މަސައްކަތް ކުރުމަށް ނިންމާފައެވެ.
