ފަލަސްތީނުގެ ބިންތަކުގައި ޤަވައިދާ ޚިލާފަށް ޔަހޫދީން އާބާދު ކުރުމާ ދެކޮޅަށް ފަލަސްތީނުގެ ރައްޔިތުން ވެސްޓްބޭންކުގެ ބެއިތާގައި އިއްޔެ ބޭއްވި ހިނގާލުމަކަށް ހަމަލާދީ 27 އަހަރުގެ ޒުވާނަކު އިސްރާއީލުގެ ސިފައިން ޝަހީދު ކޮށްލައިފިއެވެ.
މުހައްމަދު އަލީ ޚަބައިސާ ޝަހީދު ވެފައި ވަނީ އޭނާގެ ބޮލަށް އިސްރާއީލުގެ ސިފައިން ބަޑި ޖެހުމުގެ ސަބަބުން ކަމަށް ފަލަސްތީނުގެ ސިއްހަތާ ބެހޭ ވުޒާރާއިން ހާމަ ކުރައްވައެވެ. ފަލަސްތީނުގެ ސިއްހަތާ ބެހޭ ވުޒާރާއިން ހާމަކުރައްވާ ގޮތުގައި މުހައްމަދު އަލީ ޚަބައިސާގެ ބޮލަށް ލައިވް ފަސް ވަޒަން ވަނީ އަރާފައެވެ.
އޭނާއަށް ފަރުވާ ދިނުމަށް ނޮދަން ވޭސްޓްބޭންކުގެ ނާބުލްސްއަށް ގެންދެވުނު ކަމަށާއި ޝަހީދުވީ ފަރުވާ ދިނުމަށް ހޮސްޕިޓަލަށް ގެންދެވުނުތާ ކުޑައިރުކޮޅެއް ފަހުން ކަމަށެވެ. އިސްރާއީލުން ދިން މިހަލާތަކުގައި ފަލަސްތީނުގެ 8 މީހަކަށް އެކިވަރުގެ ޒަހަމްތައް ލިބިފައިވާ ކަމަށްވެސް ފަލަސްތީނުގެ ސިއްހަތާ ބެހޭ ވުޒާރާއާ ހަވާލާދީ އަލްޖަޒީރާ އިން ވަނީ ރިޕޯޓް ކޮށްފައެވެ.
އިސްރާއީލުން ގެންދަނީ ކޮންމެ ދުވަހަކު ފަލަސްތީނުގެ އާންމު ރައްޔިތުންނަށް ހަމަލާދީ އެގައުމުގެ ރައްޔިތުން ޝަހީދު ކުރަމުންނެވެ. ފަލަސްތީނުގެ ރައްޔިތުންނާ ދެކޮޅަށް އިސްރާއީލުން ހިންގާ އުދުވާންތައް ހުއްޓުވުމުގައި އ.ދ ވަނީ ނުކުޅެދިފައެވެ.
