ޗައިނާއިން އެމެރިކާގެ ވިޔަފާރި ވެރިއަކު ހައްޔަރުކޮށްފިއެވެ. ޗައިނާގެ އެންމެ ކާމިޔާބު ޕްރައިވެޓް އެއަރލައިން ކަމަށްވާ ހައިނާން އެއަރލައިންގެ ވެރިޔާ އެޑަމް ޓާންއާއެކު އޭނާގެ ކުންފުނީގެ އިތުރު ވެރިއަކުވެސް ޗައިނާއިން ހައްޔަރުކުރިއެވެ.
ހައިނާން އެއަރލައިން ހިންގާ އެޗްއެންއޭ ގްރޫޕަކީ، ތަތފާރު އެކި ދާއިރާތައކުގައި އޮޕަރޭޓް ކުރާ ޗައިނާގެ އެންމެ ބޮޑެތިކ ކުންފުނިތަކުގެ ތެރޭން ކުންފުންޏެކެވެ.
ޗައިނާ ސަރުކާރުން ބޮޑެތި ކުންފުނިތަކާ މެދު ފިޔަވަޅު އަޅަން ފަށާފައި ވެއެވެ. އެޗްއެންއޭ ގްރޫޕުން ވަނީ އެ ބިޔަ ކުންފުނި އިފްލާސް ވުމަށް މެދުވެރިވާތީކަމަށް ބުނެ، ހަތަރު ކުންފުންޏަކަށް ބަހާލާފައެވެ.
ފުލުހުން ބުނެފައި ވަނީ މި ކުންފުނީގެ ވެރިން ހައްޔަރުކޮށްފައި ވަނީ ޖަރީމާތަކެއް ހިންގާފައިވާ ކަމުގެ ތުހުމަތުގައެވެ. ނަމަވެސް އޭގެ ތަފްސީލެއް ފުލުހުންނެއް ނުދެއެވެ.
އެޑަމް ޓާން ހައްޔަރު ކުރުމާއެކު ޗައިނާގެ އެންމެ ކާމިޔާބު އަމިއްލަ އެއަރލައިންގެ ވިޔަފާރި ނިމުމަކަށް އައީ ކަމަށް ސައުތު ޗައިނާ މޯނިންގ ޕޯސްޓުން ބުންޏެވެ.
ހައިނާން އެއަރލައިން އުފައްދާފައި ވަނީ އެމެރިކާގެ ފައިނޭންސިއަރ ޖޯރޖް ސޯރޯސްގެ އިންވެސްޓްމެންޓާ އެކުގައެވެ.
