އަފްޣާނިސްތާންގައި ހަމަޖެހުން ދެމިއޮތުމަށް އޮތް އެންމެ ބޮޑު ގޮންޖެހުމަކީ ޕާކިސްތާން ކަމަށް ޔޫރަޕްހގެ ޕާލަމެންޓުން ބުނެއެވެ. ތާލިބާންގެ ސަރުކާރަށް ބައިނަލްއަގްވާމީ ތާއީދު ހޯދުމަށް މަސައްކަތް ކުރާ ފަރާތަކީވެސް ޕާކިސްތާނެވެ.
ޔޫރަޕިއަން ފައުންޑޭޝަން ފޯރ ސައުތު އޭޝިއަން ސްޓަޑީޒް އިން ރިޕޯޓެއްގައި ބުނެފައި ވަނީ ތާލިބާނުން ދެމި ތިބުމުގައި ޕާކިސްތާންގެ ޝައުގުވެރިކަމަކީ ސިއްރެއް ނޫނެވެ.
ޕާކިސްތާން ބޮޑު ވަޒީރު އިމްރާން ޚާންވެސް ވަނީ ޕާކިސްތާނާއި ތާލިބާނާ ދެމެދު އޮތް ގުޅުމުގެ ވާހަކަ ފާޅުގައި ހާމަކޮށްދެއްވާފައެވެ. އދގައި ތަގްރީރުކުރައްވަމުން ޕާކިސްތާންގެ ޚާރިޖީ ވަޒީރު މަޙުމޫދު ގުރައިޝީވެސް ވަނީ ތާލިބާން ސަރުކާރު ބަލައި ގަތުމާ ގުޅޭ ބައިނަލްއަގްވާމީ މަގުޗާޓެއް ދުނިޔެއިން އެކުލަވާލައި އެއަށް އަމަލު ކުރުމަށް ގޮވާލައްވާފައެވެ.
ތާލިބާނުން ގެންދަނީ 1990ގައި އެމީހުން ހަދާފައިވާ ގާނޫނުތައް އަލުން އަފްޣާނިސްތާންގައި ތަންފިޒު ކުރުމަށް މަސައްއކަތް ކުރަމުންނެވެ.
އަފްޣާނިސްތާންގައި އަންހެނުން އުޅނަދު ދުއްވުންވެސް ވަނީ މަނާ ކޮށްފައެވެ. ކާބުލްގައި އަންހެނުން އަމިއްލައަށް ހިންގާ ދްރައިވިންގ ސްކޫލުވެސް ވަނީ ތާލިބާން އައި ފަހުން ކަސްޓަމަރަކު ނުލިބޭތީ ބަންދުކޮށްފައެވެ. އަންހެނުން ބުނާ ގޮތުން އެމީހުންނަށް ކުރިމަތިލާން ޖެހިފައި ވަނީ ގޮތް ނޭނގޭ މުސްތަގްބަލަކާއެވެ.
