އަފްޣާނިސްތާންގެ އައިޑެންޓިޓީ ކާޑާއި ޕާސްޕޯޓް ބަދަލުކުރާނެ ކަމަށް ތާލިބާނުން ބުނެފިއެވެ. ތާލިބާން ތަރުޖަމާން ޒަބީޙުﷲ މުޖާހިދު ބުނި ގޮތުގައި ކުރީ ސަރުކާރުން ދީފައިވާ ޑޮކިއުމެންޓްތައް އަދިވެސް ސައްހަ ވާނެއެވެ.
ޕާސްޕޯޓާއި އައިޑެންޓިޓީ ކާޑް ބަދަލު ކުރަނީ، އެ ޑޮކިއުމެންޓްތަކުގައި އިސްލާމިކް އެމިރޭޓް އޮފް އަފްޣާނިސްތާން މިފަދައިން ޖަހައި އަފްޣާނިސްތާންގެ ނަން ބަދަލު ކުރުމަށެވެ.
އަފްޣާނިސްތާންގެ ސަރުކާރުގެ އިދާރާތައް އަދވެސް ހުރީ ބަންދުކޮށްފައެވެ. ޕާސްޕޯޓް އޮފީސްވެސް ހުންނަނީ ބަންދުކޮށްފައެވެ. ނަމަވެސް ބައޯމެޓްރިކްސް ނަގާފައިވާ މީހުންނަށް މިހާރުވެސް ޕާސްޕޯޓް ދޫކުރަމުންދާ ކަމަށް ރިޕޯޓްތައް ބުނެއެވެ.
