ޑުބާއީ އެކްސްޕޯގައި އިންޑިއާގެ ސްޓޭޓްތަކާއި ސްޓޭޓްތަކުގެ ޗީފް މިނިސްޓަރުން ފެންވަރުގައި ބައިވެރިވެގެން ސްޓޭޓްތަކުން ލިބެން ހުރި ޚިދުމަތްތަކާއި އުފެއްދުންތައް އިޝްތިހާރު ކުރާނެ ކަމަށް ޑުބާއީ އެކްސްޕޯގައި އިންޑިއާ ޕެވީލިއަން އާ ޙަވާލުވެފައިވާ ފަރާތުން ބުނެއެވެ.
މިހާތަނަށް އިންޑިއާގެ ފަނަރަ ސްޓޭޓަކާއި ޔޫނިއަން ޓެރިޓްރީއަކުން ވަނީ ބަިއވެރިވާނެ ކަމުގެ ޔަގީންކަން ދީފައެވެ. އަދި ސަރުކާރުގެ ނުވަ މިނިސްޓްރީއަކާއި ޑިޕާޓްމަންޓަކުންވެސް ބައިވެރިވާނެއެވެ.
އިންޑިއާގެ ސްޓޭޓްތަކުން ބައިވެރިވާ ބައިތަކުގައި އެ ސްޓޭޓްތަކުގެ ވިޔަފާރި ފުރުސަތުތައް ދައްކާލައި، ކާނާއާއި ސަގާފަތް ތަޖުރިބާކޮށްލަން ލިބޭނެއެވެ.
މީގެ އިތުރުން އިންޑިއާގެ އަމިއްލަ ކުންފުނިތަކާއި ޑުބާއީގައި ޙަރަކާތްތެރިވާ އިންޑިއާ ކުންފުނިތަކުންވެސް ބައިވެރިވެ އެފަރާތުގެ އުފެއްދުންތައް ދައްކާނެއެވެ.
އަބޫދާބީގައި ހުންނަ އިންޑިއާގެ އެމްބެސެޑަރު ވިދާޅުވީ، އިންޑިއާގެ އާބާދީއާ އެއްފެންވަރެއްގައި އިންޑިއާއިން ޑުބާއީ އެކްސްޕޯގައި ވައިވެރިވާނެއެވެ. އަދި މިއީ އިންޑިއާއާއި ޑުބާއީއާ ދެމެދު ބަދަހިވަމުންދާ ގުޅުމަށްވެސް މުހިންމު ފުރުސަތެއްކަމަށް އިންޑިއާއިން ދެކެއެވެ.
