އިންޑިއާގެ އިގްތިސާދު ހިންދެމިލާފައި ވަނީ އިންޑިއާގެ ޚިދުމަތުގެ ދާއިރާއަށް ދިރުމެއް އައިސްގެންނެވެ. ޚިދުމަތުގެ ދާއިރާއަށް ދިރުން އައިސްފައިވަނީ، ތަޖުރިބާކާރުން ބުނާ ގޮތުން އިންޑިއާއިން ހަލުއި މިނެއްގައި އެންމެނަށް ވެކްސިން ދިނުމަށް މަސައްކަތް ކުރުމުންނެވެ.
އުފެއްދުންތެރިކަމާއި ޚިދުމަތުގެ ދާއިރާ ކުރިއަށް ގޮސްފައި ވަނީ ވެކްސިން ދިނުމުގެ ސަބަބުން ކޮވިޑް19ގެ ކޭސްތައް މަދުވުމުން ކަމަށް ބްލޫމްބާގުން ހަދާފައިވާ ދިރާސާއަކުން ދައްކައެވެ.
އިންޑިއާގައި މިހާތަނަށް ވަނީ 834 މިލިއަން ވެކްސިން ޑޯޒް ދީފައެވެ. 1.3 ބިލިއަން އާބާދީގެ ފަސް ބައިކުޅަ އެއްބައި މީހުންނަށް ވަނީ ދެ ޑޯޒް ވެކްސިން ދެވިފައެވެ.
ބްލޫމުބާރގުން ބުނާ ގޮތުން ފެކްޓްރީ މެނޭޖަރުން ވަނީ މުދަލަށް އޯޑަރު ދިނުން މިދިޔަ މަބހުން ފެށިގެން އިތުރުވަމުންދާ ކަމަށް ބުނެފައެވެ. އަދި ޕާރޗޭސިންގ މެނޭޖަރުންނާ ސުއާލުކުރުމުން އެމީހުންވެސް ބުނަނީ، މީހުންގެ އިތުބާރު އިގުތިސާދާ ދޭތެރޭ އާލާވެފައިވާ ކަމަށެވެ.
އިންޑިއާގެ އެކްސްޕޯޓްވެސް 45 ޕަސެންޓްގައި އެއްވަރެއްގައި މިހާރު ހިފެހެއްޓިފައިވާ ކަމަށް ސާވޭއިން ދައްކާކަމަށް ބްލޫމްބަރގް އިން ބުނެއެވެ.
