ސްޓޭޓް ބޭންކް އޮފް އިންޑިއާ ފެންވަރުގެ ހަތަރު ފަސް ބޭންކެއް އިންޑިއާއަށް ބޭނުންވާ ކަމަށް އިންޑިއާގެ މާލީ ވަޒިރު ހާމަކުރައްވައިފިއެވެ. އިންޑިއަން ބޭންކްސް އެސޯސިއޭޝަންގެ 74 ވަނަ އަހަރީ ޖަލްސާގައި ވާހަކަ ދައްކަވަމުން އިންޑިއާގެ މާލީ ވަޒިރު ނިރްމަލާ ސިތާރާމް ވިދާޅުވީ، އިންޑިއާގެ އިގްތިސާދު ތަރައްގީ ވަމުންދާއިރު، ކުރި މަގުގައި އިންޑިއާގެ ބޭންކިންގެ ދާއިރާ އޮންނާނެ ގޮތް ބޭންކުތަކުގެ އިސްފަރާތްތަކުން ޚިޔާލަށް ގެންނަން ޖެހޭނެ ކަމަށެވެ.
މުސްތަގްބަލުގައި އިންޑިއާގެ ބޭންކުތައް ވާން ޖެހޭޏީ ކަރުދާހާ ނުލައި މުއާމަލާތު ކުރެވޭ ސުމޭކް ނިޒާމެއްގެ ތެރޭން ހިންގޭ ދާއިރާއަކަށެވެ.
އިންޑިއާއިން ވަނީ ކުދި ބޭންކްތައް ބޮޑެތި ބޭންކްތަކާ އެއްކޮށްލާފައެވެ. އަދި ބޭންކްތައް އެއްކޮށްލެވިގެން ދިޔައީ ވަރަށް އޮމާންކޮށް ކަމަށް ވިދާޅުވަމުން ނިރްމަލާ ސިތާރާމް ވިދާޅުވީ މިއިން ބެންކުތަކުގެ ޑިޖިޓަލް ތައްޔާރީ ޙާލަތު އެނގިގެންދާ ކަމަށެވެ.
2017 ވަނަ އަހަރު އިންޑިއާގައި ސަރުކާރު ޙިއްސާވާ 27 ބެންކެއް އޮތެވެ.
ބެންކުތައް އެއްކޮށްލުމުން މިހާރު އޮތީ ސަރުކާރު ޙިއްސާވާ ބޮޑު ހަތް ބޭންކެވެ. އަދި ކުދި ފަސް ބޭންކެވެ.
