ޓައިވާން ހިފުމަކީ ކޮންމެހެން ކުރަން ޖެހޭ ކަމެއް ކަމަށް ޗައިނާގެ ރައީސް ވިދާޅުވެއްޖެއެވެ. އިނގިރޭސި ޑެއިލީ މެއިލްއިން ސިފަ ކުރިގޮތުގައި ޗައިނާގެ ކޮމިއުނިސްޓް ލީޑަރ މާއޯއަށް ފަހު ހަނގުރާމައަށް އެންމެ ބޮޑަށް އެދޭ ޗައިނާ ލީޑަރަކީ ޝީ ޖިންޕިންގ އެވެ.
ޓައިވާންގެ އިދިކޮޅު، ޗައިނާއާ ރަހުމަތްތެރި ކުމިންޓާންގ ޕާޓީގެ ރައިސްގެ މަގާމަށް އެރިކް ޗޫ އިންތިޚާބު ވުމުން ޝީ ފޮނުއްވި މެސެޖްގައި ވިދާޅުވެފައި ވަނީ ދެ ޕާޓީއަކީ އެއް ސިޔާސީ ވިސްނުމެއް ޙިއްސާ ކުރާ ބައެއް ކަމަށެވެ.
ޝީ ވިދާޅުވުގޮތުގައި ޓައިވާންއާ ޗައިނާގެ ދެމެދުގެ ގުޅުން މިހާރު އޮތީ ނުތަނަވަސްވާ ފައްތަރެއްގައެވެ.
ޗައިނާއާއި ޓައިވާންގެ ގުޅުން 2008ން 2016އާ ދެމެދު ރަނަގަޅުވިއެވެ. ކުމިޓާންގ ޕާޓީގެ މާ ޔިންގ ޖޯގެ ވެރިކަމުގައި 2015ގައި ސިންގަޕޯރގައި ޝީއާއި މާ ވަނީ ބައްދަލުވުމެއްވެސް ބާއްވާފައވެ. ކުމިޓާންގ އިން ޗައިނާއާ ދޭތެރޭ މައްސަލަ ކުޑަ ކޮށްފައި ވަނީ "އެއް ޗައިނާ"ގެ އުސޫލަށް އެއްބަސް ވެގެންނެވެ. ނަމަވެސް އެއް ޗައިނާގެ އުސޫލުގައި ޗައިނާ ރައްޔިތުން ތަމްސީލް ކުރާ ހަގީގީ ފަރާތަކީ ކޮބައިކަން ބެއިޖިންގ އިންވެސް އަދި ޓައިޕެއި އިންވެސް ތަފްސީލެއް ނުކުރެއެވެ.
ޗައިނާއިން ވަނީ ޓައިވާންގެ ރައީސްކަމަށް ސާއި އިންގ ވެން 2016ގައި އިންތިޚާބް ވިފަހުން ޓައިވާނަށް ބޮރު ދެއްކުން އިތުރޮށްފައެވެ. ބައެއް ފަރާތްތަކުން ދެކޭ ގޮތުގައި ޗައިނާގައި ވެރިކަމުގެ ބާރު އިތުރަށް ހޯދުމުގެ ގޮތުން ޝީ، ކުރިއަށް މިއޮތް ފަސް އަހަރުގެ ތެރޭގައި ޓައިވާނަށް ހަމަލައެއް ދިނުމަކީ އެކަށީގެންވާ ކަމެކެވެ.
