ކަޝްމީރުގައި އުމުރާނީ ތަރައްގީއަށް ޚާއްސަ ސަމާލުކަމެއް ދެމުން ގެންދާއިރު ގިނަ ހައިވޭތަކާއި މަގުތަކާއި ބިމު އަޑީ މަގުތަކެއް ދަނީ ހެދެމުންނެވެ. 2014 ވަނަ އަހަރު ކަޝްމީރުގައި ހުރި ހައިވޭ އަދަދަކީ، ހަތެކެވެ. މިހާރު އެގާރަ ހައިވޭއެއް ހަދައި ނިންމައި ބޭނުން ކުރަމުން ދެއެވެ.
މީގެ އިތުރުން ކަޝްމީރާއި އިންޑިއާގެ އެންމެ ދެކުނަށް އޮންނަ ސިޓީ ކަމަށްވާ ކަންޔާކުމާރީ ގުޅުވުމަށްވެސް މަސައްކަތް ދަނީ ކުރެވެމުންނެވެ. އެގޮތުން މިއަންނަ އަހަރުގެ ޑިސެމްބަރަށް ކަޝްމީރުން ކަންޔާކުމާރީއަށް ސީދާ ރޭލް ދަތުރުތައް ފަށާނެއެވެ.
މިހާރު އިތުރަށް ކަޝްމީރުގައި ހަތަރު ހައިވޭއެއްގެ މަސައްކަތް ފަށާފައި ވެއެވެ. އަދި ޖަންމޫގެ ވަށައިގެން ދަތުރު ކުރެވޭ ގޮތަށް ރިންގް ރޯޑެއް ހެދުމަށްވެސް މަސައްކަތް ދަނީ ކުރެވެމުންނެވެ. މި ރިންގް ރޯޑްގެ މަސައްކަތް 2023ގައި ނިންމާލެވޭނެއެވެ.
އިންޑިއާގެ ވެރިރަށް ނިއުދިއްލީއާއި ކަޝްމީރާ ދެމެދު އެއްގަމު ދަތުރުގެ މަގު ކުރުމުގެ ގޮތުން ހަދަމުންދާ ހައިވޭ ނިމޭ އިރު ނިއުދިއްލީން ކަޝްމީރަށް އަށް ގަޑި އިރުގެ ތެރޭގައި ފޯރާނެއެވެ.
