މޫސުމަށް އަންނަ ބަދަލުތަކާ ގުޅިގެން ގޮވާން ކުރުމަށް ދިމާވާ ގޮން ޖެހުންތައް ހައްލުކުރުމަށާއި ކާޑު ބަލި ނައްތާލުމަށް އެހީތެރިވުމުގެ ގޮތުން އިންޑިއާއިން ދިރާސާ ކޮށް ބަދަލު ގެނަސްފައިވާ 35 ބާވަތެއްގެ ގޮވާމެއް އިއްޔެ ތައާރަފް ކޮށްފިއެވެ.
އިންޑިއަން ކައުންސިލް އޮފް އެގްރިކަލްޗަރަލް ރިސާޗް އިން ތައާރަފް ކޮށްފައިވާ މި ބާވަތްތަކަކީ، މޫސުމީ ބަދަލުތަކާއި ހަނަފަސްކަމާއި ކުރިމަތި ލެވޭ ގޮތަށް ތައްޔާރުކޮށްފައިވާ ބާވްތަތަކެކެވެ.
މީގެ ތެރޭގައި ހަނޑުލާއި ގޮދަން އަދި ސަނާ މުގާއި ސޯއި ބީންއާއި ފޫލްއާއި ޒުވާރިއާއި ދޮނަޅައިގެ ވާބަތްތައް ހިމެނެއެވެ. މޫސުމާއި ހަނަފަސްކަމާއި އެކަށީގންވާ ގޮތަށް މި ބާވަތްތައް ތައްޔާރުކޮށްފައިވާ އިރު މި ބާވަތްތަކުގައި ހިމެނޭ ސިއްޙީ ފައިދާތައްވެސް އިތުރު ކުރެވިފައިވާ ކަމުގައި ކައުންސިލް އޮފް އެގްރިކަލްޗަރަލް ރިސާޗްއިން ބުނެއެވެ.
އިންޑިއާގެ ދަނޑިވެރިންގެ އާބާދީގެ 86 ޕަސެންޓް މީހުންނަކީ ކުދި ދަނޑުވެރިންނެވެ. އިންޑިއާ ސަރުކާރުން ބުނެފައި ވަނީ މި ބާވަތްތަކުގައި ގޮވާން ކުރުމުން މިމީހުންނަށް ބޮޑު ފައިދާއެއް ކުރާނެ ކަމަށެވެ.
