އދގައި ވާހަކަ ދައްކަމުން އިންޑިއާއިން ވަނީ އެގައުމުން އިސްވެ ނިއުކްލިއަރ ހަމަލައެއް ނުދޭނެ ކަމުގެ ޔަގީންކަން ދީފައެވެ. އަދި ނިއުކްލިއަރ ހަތިޔާރު ނުގެންގުޅޭ ގައުމަކާ ދެކޮޅަށްވެސް ނިއުކްލިއަރ ހަތިޔާރު ބޭނުން ނުކުރާނެ ކަމަށްވެސް ބުނެފައެވެ.
އދގައި ނިއުކްލިއަރ ހަތިޔާރު ނައްތާލުމާ ބެހޭ ހައިލެވެލް ޕްލެނަރީގައި ވާހަކަ ދައްކަވަމުން އިންޑިއާގެ ފޮރިން ސެކްރެޓެރީ ހަރްޝްވަރްދަން ޝްރިންގްލާ ވިދާޅުވީ، ނިއުކްލިއަރ ހަތިޔާރު މަޑުމަޑު ނައްތާލަން ޖެހޭނެ ކަމަށެވެ. އަދި މި މަސައްކަތަކީ އެންމެން ބައިވެރިވާ އެއްވެސް ތަފާތު ކުރުމަކާ ނުލައި ކުރާ ކަމެއްކަމުގައި ވާން ޖެހޭނެ ކަމަށެވެ.
ޝްރިންގްލާ ވިދާޅުވީ ނިއުކްލިއަރ ބާރެއްގެ ހައިސިއްޔަތުން އިންޑިއާގެ ނަޒަރިއްޔާތަކީ، އެންމެ ފުރަތަމައަށް އިސްވެ އޮވެގެން ނިއުކްލިއަރ ހަމަލައެއް ނުދިނުމެވެ. އަދި ބޭނުންވާ އެންމެ މަދު މިންވަރުގައި ނިއުކްލިއަރ ބާރު ދެމެހެއްޓުމެވެ.
