އިންޑިއާއިން ކޯވިޑް ވެކްސިން ދޭން ފެށިތާ މިހާރު އަށް މަސްދުވަސް ވީއެވެ. އިންޑިއާގެ ހެލްތު މިނިސްޓްރީން ބުނާ ގޮތުން އެގައުމުގެ އާބާދީގެ ހަތަރު ބައިކުޅަ އެއްބައި މީހުންނަށް ދެ ޑޯޒް ވެކްސިން ދީ، ފުރިހަހަމަ ކުރެވިފައިވެއެވެ.
އިންޑިއާއިން ކޮންމެ ދުވާލަކަށް އެތައް މިލިއަން ވެކްސިން ޖަހައެވެ. އަންގާރަ ދުވަހުވެސް ފަސް މިލިއަނަށް ވުރެން ގިނައިން ވެކްސިން ޖަހާފައި ވެއެވެ.
އާބާދީގެ ހަތަރު ބައިކުޅަ އެއްބައި މީހުންނަށް ދެ ޑޯޒް ވެކްސިންދީ ވެކްސިން ފުރިހަމަ ކުރެވިފައިވާ އިރު، 68 ޕަސެންޓް މީހުންނަށް ވަނީ އެއް ޑޯޒް ވެކްސިން ދީފައެވެ.
މީގެ އިތުރުން އިންޑިއާގައި ރައްޔިތުންނަށް ވެކްސިން ޖެހިކަން ކަށަވަރު ކުރުމަށް އެމީހުންގެ ސިއްޙީ މަޢުލޫމާތު ހިމެނޭ ސަރުކާރު ޕޯޓަލް އިން ބަލާ ލެވޭނެއެވެ. ސަރުކާރުން ވަނީ ރައްޔިތުންނަށް ޑިޖިޓަލް ހެލްތު ކާޑް ތައާރަފް ކޮށްފައެވެ.
