ޕާކިސްތާން ބޮޑު ވަޒީރު އިމްރާން ޚާންގެ ހުތުރު ބަސް މަގުން ޕާކިސްތާންގެ ސަގާފަތާއި ޕާކިސްތާންގެ ސިޔާސީ މާހައުލު ކިލަނބުކޮށްލާފައިވާ ކަމުގައި ޕާކިސްތާންގެ ކުރީގެ ބޮޑު ވަޒީރު ޕާކިސްތާން މުސްލިމް ލީގް (ނ)ގެ ރައީސް ނަވާޒް ޝަރީފް ވިދާޅުވެއެވެ.
އިމްރާން ޚާން ޕާކިސްތާންގެ ވެރިކަމަށް އައުމަކީ ވަރަށް ހިތާމަ ހުރި ކަމެއް ކަމުގައި ނަވާޒް ޝަރީފް ވިދާޅުވިއެވެ. އަދި އޭނާގެ ޕާޓީގެ މެމްބަރުންނާ މަޖާޒީ ބައްދަލުވުމެއްގައި ވާގހަކަ ދައްކަވަމުން ވިދާޅުވީ ސިޔާސީ މަސައްކަތުގައި ހުތުރު ބަސް މަގު ބޭނުން ކުރުމުން ދުރުހެލިވެ ތިބުމަށެވެ. އަދި ސަރުކާރު މަސްއޫލުވެރިންނާ ދެކޮޅަށް އަދަދު ތަކާއި ހެކިން ހުއްޖަތް ދެއްކުމަށެވެ.
އޭނާ ވިދާޅުވީ މުސްލިމް ލީގަކީ މީހުންގެ މެދުގައި އެންމެ މަގްބޫލު ޕާޓީ ކަމުގައެވެ. އަދި ޕާކިސްތާން އައު އުސްމިނަކަށް ގެން ގޮސްފައި ވަނީ މުސްލިމު ލީގުން ކަމުގައި އޭނާ ވިދާޅުވިއެވެ.
ޕާކިސްތާން ޗައިނާ އިކޮނޮމިކް ކޮރިޑޯ ސީޕެކްގެ އެއްބަސްވުންތައް ސޮއިކޮށްފައި ވަނީ ނަވާޒް ޝަރީފްގެ ވެރިކަމުގައެވެ.
