އިންޑިއާގެ ފޮރިން ސެކްރެޓަރީ ހަރްޝްވަރްދަން ޝްރިންގްލާ ސްރީލަންކާއަށް ވަޑައިގެންފިއެވެ. ހަތަރު ދުވަހުގެ ދަތުރުފުޅުގައި އޭނާ ސްރީލަންކާގެ ރައީސާއި ބޮޑު ވަޒީރާއި އެގައުމުގެ މަސްއޫލުވެރިންނާ ބައްދަލު ކުރައްވާނެއެވެ. ޝްރިންގްލާގެ މިދަތުރުފުޅަކީ ސްރީލަންކާގެ ފޮރިން ސެކްރެޓަރީ ޖަޔަންނާތު ކޮލަމްބަގޭގެ ދަޢުވަތަކަށް ކުރައްވާ ދަތުރުފުޅެކެވެ. އޭނާ ޓްރިންކޮމަލީއާއި ކެންޑީއާއި ޖެފްނާއަށް ޒިޔާރަތް ކުރައްވާނެއެވެ. އަދި އިންޑިއާއިން ޝްރީލަންކާގައި ކުރިއަށް ގެންދާ ޕްރޮޖެކްޓްތައް ކުރިއަށްދާ ގޮތްވެސް އޭނާ ބައްލަވާނެއެވެ.
ޝްރިންގްލާގެ ދަތުރުފުޅު ދިމާވަނީ އިންޑިއާގެ އުމްރާނީ ތަރައްގީގެ މަޝްރޫއުތަކުގައި އުޅޭ އަދަނީ ގްރޫޕުން ސްރީލަންކާގެ ކޮޅުނބުގެ ހުޅަނގު އިންޓަރނޭޝަނަލް ކޮންޓެއިނާ ޓާމިނަލް ހެދުމަށް އެއްބަސްވުމުގައި ސޮއިކުރުމާ ދިމާކޮށެވެ. މިއީ 700 މިލިއަން ޑޮލަރުގެ ޕްރޮޖެކްޓެކެވެ.
ސްރީލަންކާއަށް ދިމާވެފައިވާ އިގްތިސާދީ ގޮންޖެހުންތަކާ ބެހޭ ގޮތުންވެސް އޭނާ މޝްވަރާ ކުރައްވާނެއެވެ.
