ތާލިބާނުން ކާބުލްއަށް ވެރިވެގަތް ފަހުން، ކުރިން ނޫސްވެރިއަކަށް އުޅުނު މީހަކު މިހާރު އާމްދަނީ ހޯދުމަށް ގައު އެޅުމުގެ މަސައްކަތް ކުރާ ކަމަށް ރިޕޯޓް ކޮށްފިއެވެ. ޒަބީޙުﷲ ވަފާ އަކީ ކުރިން ފަރްޒް ކޯހްގައި ނޫސްމީޑިއާއަށް ރިޕޯޓް ކޮށްއުޅުނު މީހެކެވެ. ދިހަ މީހުންގެ އާއިލާއަށް ކާން ދިނުމަށްޓަކައި މިހާރު އޭނާ އުޅެނީ ގާ އެޅުމުގެ މަސައްކަތުގައެވެ.
ތާލިބާނުން އަފްޣާން ސަރުކާރު ވައްޓާލުމުގެ ސަބަބުން އިގްތިސާދަށް އައި ހީނަރުކަމާއެކު މީޑިއާއިން އެތައް ބަޔަކު ވަޒީފާއިން ވަކިކޮށްލިއެވެ. ޒަބީޙުﷲ ވަފާއަކީ ދިހަ އަހަރު ނޫސްވެރިކަން ކުރުމަށްފަހު ވަޒީފާ ގެއްލުނު އެތައް ބައެއްގެ ތެރޭން މީހެކެވެ.
ތާލިބާނުން ވެރިކަން ހިފުމާއެކު އަފްޣާނިސްތާންގެ 150 މީޑިއާއެއް ބަންދުކޮށްފައި ވެއެވެ. އެތައް ނޫސްވެރިންގެ ވަޒީފާތައް ވަނީ ގެއްލިފައެވެ. އާމްދަނީ ނުލިބުމުގެ އިތުރުން ތާލިބާނުން ވަނީ މަޢުލޫމާތު ދިނުމަށްވެސް ހުރަސްތަކެއް ކުރިމަތިކޮށްފައެވެ.
މީޑިއާއަކީ އިޝްތިހާރުން އާމްދަނީ ހޯދާ ބައެކެވެ. ނަމަވެސް އަފްޣާނިސްތާންގައި މިހާރު އިޝްތޮހާރު ކުރުމެއް ނެތެވެ.
