ކުރިއަށް އޮތް 25 އަހަރަކީ އިންޑިއާގެ އުފެއްދުންތެރިކަމުގެ ރަން ފަންސަވީސް އަހަރު ކަމުގައި އިންޑިއާ ސަރުކާރުން ބުނެއެވެ. ޑުބާއީ އެކްސްޕޯ 2020ގައި އިންޑިއާ ޕެވީލިއަން އިފްތިތާހު ކުރަމުން އިންޑިއާ ސަރުކާރުން ބުނެފައި ވަނީ އިންޑިއާއިން އެކްސްޕޯޓް ކުރުމަށް ކަނޑައަޅާފައިވާ ޓާގެޓް ފުރިހަމަ ކުރެވޭނެއެވެ.
އިންޑިއާއިން އަމާޒު ހިފާފައި ވަނީ އަހަރަކު 400 ބިލިއަން ޑޮލަރުގެ މުދާ ބޭރުކޮށްގެން އިންޑިއާ އަކީ ފަސް ޓްރީލިއަން ޑޮލަރުގެ އިގްތިސާދެއްގެ ގޮތުގައި ދައްކާށެވެ.
އިންޑިއާއިން ބުނާ ގޮތުގައި އިންޑިއާގެ ހުނަރުވެރި އުފެއްދުންތެރިންނާއި ޒުވާން އާބާދީއާއި ހަރަކާތްތެރި އިގްތިސާދުގެ ސަބަބުން އިންޑިއާއަށް މިއަމާޒަށް ވާސިލު ވެވޭނެއެވެ.
އިންޑިއާއިން ވަނީ ހުނަރުތައް ތަރައްގީ ކުރުމަށް ސަމާލުކަން ދޭ އައު ތަޢުލީމީ ސިޔާސަތެއް އެކުލަވާލައި ތަންފީޒު ކުރަން ފަށާފައެވެ.
ކޮވިޑް19އާ ގުޅިގެން އިންޑިއާގެ އިގްތިސާދު ވަޅު ޖެހުނެވެ. ނަމަވެސް މި ހިނގާ މާލީ އަހަރުގެ ފުރަތަމަ ކުއާޓާގެ ހިސާބުތައް ދައްކާ ގޮތުން މިދިޔަ ކުއާޓާއާ އަޅާ ބަލާއިރު އަދި އަދަދުތައް ދައްކަނީ ރަނގަޅަށެވެ.
މިދިޔަ ކުއާޓާގައި ޖީޑީޕީ ގްރޯތު އުޅުނީ 24.4 ޕަސެންޓްގައެވެ. މިއަހަރުގެ ފުރަތަމަ ކުއާޓާގެ ހިސާބުތައް ދައްކަނީ 20.1 ޕަސެންޓަށް އިގްތިސާދު ކުރިއަރައިގެން ގޮސްފައިވާ ތަނެވެ. މާހިރުން ލަފާ ކުރާ ގޮތުގައި މިއީ ރަނގަޅު އަދަދެކެވެ.
