ކަޝްމީރުގެ އާންމު މައިދާންތަކާއި މަގުތައް ރީތި ކުރުމުގެ މަސައްކަތް ޒުވާން ގްރޫޕަކުން ފަށައިފިއެވެ. ފަންނާއި އާކިޓެކްޓަރގެ ރޮނގުން ކިޔަވާ ކުދިން އިސްނަގައިގެން މަސައްކަތް ކުރަމުން ދަނީ ސްރީނަގަރަކީ، ފަތުރުވެރިން ގަޔާވާފަދަ ރީތި ސިޓީއަކަށް ހެދުމަށެވެ.
ސްރީނަގަރު ސްމާޓް ސިޓީ ޕްރޮޖެކްޓަކީ އިންޑިއާގެ އާބަން މިނިސްޓްރީން ފަށާފައިވާ ޕްރޮޖެކްޓެކެވެ. ދެ ޔުނިވަރސިޓީއަކުން ޒުވާނުން ބައިވެރިގެން ކުރާ މަސައްކަތަކީ، ސްމާޓް ސިޓީ ޕްރޮޖެކްޓުން ބައެކެވެ.
އިސްލާމިކް ޔުނިވަރސިޓީ އޮފް ސްކޫލު އެންޑް ޓެކްނޮލޮޖީގެ ޑިޕާޓްމަންޓް އޮފް އާކިޓެކްޓަރއާއި ޔުނިވަރސިޓީ އޮފް ކަޝްމީރުގެ ސްކޫލު އޮފް އާރކިޓެކްޓަރ ގުޅިގެން ކުރަމުންދާ މަސައްކަތުގައި އާންމު މައިދާންތަކުގައި ފަންނީ ކުރެހުންތައް ކުރެހުމާއި އަތްތެރި މަސައްކަތް ދައްކާލުމުގެ ސާމާނުތައް ބެހެއްޓުން ހިމެނެއެވެ.
އިންޑިއާގެ އެހެން ސިޓީތަކުގައިވެސް އިންޑިއާގެ މިނިވަންކަމަށް 75 އަހަރު ފުރޭ މުނާސަބާ ފާހަގަ ކުރުމަށް މިފަދަ ހަރަކާތްތައް ގެންދަނީ ހިންގަމުންނެވެ.
