އަފްޣާނިސްތާންގެ ބަދަޚްޝާން ޕްރޮވިންސްގެ ސަރަހައްދުގައި ތާލިބާނުން ޖާނު ގޮއްވާލާ ގްރޫޕެއް ބާއްވަން ނިންމައިފިއެވެ. ބަދަޚްޝާން ޕްރޮވިންސްގެ ޑެޕިއުޓީ ގަވަރުނަރު މުއްލާ ނިސާރު އަހުމަދު އަހުމަދީއާ ޙަވާލާދީ އަފްޣާން ކާމާ ޕްރެސްއިން ބުނެފައި ވަނީ ތާޖިކިސްތާނާއި ޗައިނާއާ އިންވެގެން އޮންނަ ސަރަހައްދުގައި ޖާނު ގޮއްވާލާ މީހުންގެ ފައުޖެއް ބާއްވަން ނިންމާފައިވާ ކަމަށެވެ.
އޭނާ ބުނިގޮތުގައި މި ލަޝްކަރަށް ކިޔާނީ ކަޝްކަރޭ މަންސޫރީއެވެ. އަދި މިއީ އަފްޣާނިސްތާން ސިފައިންނަށް ކުރިން ހަމަލަދޭން ތާލިބާން ބޭނުން ކުރި ވައްތަރުގެ ގުރޫޕެކެވެ.
"މިމީހުންނަކީ މާތްﷲއަށް އެމީހުންގެ ނަފްސްތައް ޚާލިސްކޮށްފައިވާ މީހުން. މިމީހުންނާ ނުލައި ނަމަ، އެމެރިކާ ސިފައިން ބަލިކޮށެއް ނުލެވުނީސް. މިމީހުންގެ ގައިގައި ގޮވާތަކެތީގެ ޖެކެޓެއް އަޅައިގެން އެމީހުން މަސައްކަތަށް ނިކުންނާނީ" ކާމާ ޕްރެސްއިން އަހްމަދީއާ ޙަވާލާދީ ބުނެފައި ވެއެވެ.
ލަޝްކަރޭ މަންސޫރީގެ އިތުރުން ޖާނު ގޮއްވާލާ ސިފައިން ހިމެނޭ އެހެން ގްރޫޕެއްވެސް ތާލިބާނުން ގެންގުޅެއެވެ. އެއީ، ބަދްރީ 313 ގެ ނަމުން މަޝްހޫރު ގްރޫޕެވެ. މިމީހުން ތިބެނީ މިހާރު ކާބުލް އިންޓަރނޭޝަނަލް އެއަރޕޯޓް ބަލަހައްޓަން ބައިތިއްބާފައެވެ.
