އިންޑިއާގެ އިގްތިސާދީ ދާއިރާއަށް ދިރުމެއް އައިސްފައިވާ ކަން މޫޑޯޒް ރޭޓިންގ އެޖެންސީން ކަށަވަރު ކޮށްދީފިއެވެ. އިންޑިއަގެ ސޮވްރިންގ ރެޓިންގ ނެގެޓިވްގައި އޮތުމަށްފަހު، މޫޑީޒް އިންވެސްޓަރ ސާވިސްއިން މިހާރު ވަނީ ސްޓޭބަލް ކެޓެގަރީގައި އިންޑިއާ ގިންތިކޮށްފައެވެ.
މޫޑީޒް އިން އިންޑިއާގެ ރެޓިންގ ސްޓޭޓަސް މުރާޖައާ ކޮށްފައި ވަނީ ދެ އަހަރު ވަންދެން ޖައްސަޖައްސައިގެން ނެގެޓިވްގައި އޮތުމަށްފަހުއެވެ.
ދުނިޔޭގެ ގައުމުތައް ރޭޓިންގ ކުރުމުގައި އުޅޭ މި އިދާރާއިން ބުނެފައި ވަނީ އިންޑިއާގެ މާލީ ދާއިރާއަށް ދިރުމެއް އައިސްފައިވާ ކަމަށެވެ. އިގްތިސާދު ރަގަޅުވާން ފަށާފައިވާ ކަމަށެވެ. ވެކްސިން ދިނުމުގެ ޕްރޮގްރާމު ބާރަށް ކުރިއަށް ދިއުމުގެ ސަބަބުން ކޮރޯނާގެ ސަބަބުން ކުރިން، ކުރިމަތިވި ހުރަސްތައް މިހާރު ނެތް ކަމަށެވެ.
އިންޑިއާގެ ގައުމީ އުފެއްދުންތެރިކަން 2019ގައި ހުރިވަރަށް ވުރެން މައްޗަށްދާނެ ކަމަށް ވަނީ ލަފާކޮށްފައެވެ.
