އިންޑިއާއާއި އާސިއަންގެ ގައުމުތަކުގެ ދެމެދުގެ ވިޔަފާރި ފުޅާވަމުންދާ ކަމަށް ސިންގަޕޫރުގެ ފޮރިން މިނިސްޓަރ ވިދާޅުވެއެވެ. އާސިންއަން އިންޑިއާ ބިޒްނަސް ސަމިޓްގައި ވާހަކަ ދައްކަވަމުން ވިވިއަން ބާލާކްރިޝްނާ ވިދާޅުވީ، އާސިއަން އާއި އިންޑިއާގެ ދެމެދުގެ ވިޔަފާރި ފުޅާވެގެން ގޮސްފައިވާ ކަމަށެވެ. އަދި އިންޑިއާއިން އާސިއާންއާއެކު ގާތް ގޮތަކަށް ވިޔަފާރިކޮށް، އިންވެސްޓްމެންޓް އިތުރު ކުރަމުންދާ ކަމަށްވެސް އޭނާ ވިދާޅުވިއެވެ.
އިންޑިއާއިން ގެން ގުޅޭ ލުކް އީސްޓް ފޮރިން ޕޮލިސީއަށްވެސް އޭނާ ތަޢުރީފް ކުރެއްވިއެވެ. މި ޕޮލިސީގެ ދަށުން ތަފާތު އެތައް އޭރިއާއަކުން ދެ ފަރާތް ގުޅިގެން އައުކަންކަން ތަޖުރިބާ ކުރެވޭކަމަށްވެސް ބާލާކްރިޝްނާ ވިދާޅުވިއެވެ.
އާސިއާންއާއި އިންޑިއާގެ ފްރީ ޓްރޭޑް އެއްބަސްވުމަށް 2010ގައި އަމަލު ކުރަން ފެށިފަހުން، ދެ ގައުމުގެ ވިޔަފާރި ދެގުނައަށް އިތުރު ވެގެން ގޮސްފައިވާ ކަމަށް އޭނާ ވިދާޅުވިއެވެ. 2019ގައި އިންޑިއާއާއި އާސިއާންގެ ވިޔަފާރި އުޅުނީ 77 ބިލިއަން އެމެރިކާ ޑޮލަރުގައެވެ.
އިންޑިއާއިން ހިންގާ ޑިޖިޓައިޒޭޝަން ޕްރޮގްރާމަށް ތައުރީފް ކުރައްވަމުން ބާލާކްރިޝްނާ ވިދާޅުވީ އިންޑިއާއިން ފަށާފައިވާ ކޮންމެ ރައްޔިތަކަށްވެސް ސިއްޙީ މަޢުލޫމާތު ގެ ރެކޯޑް ވަގުތުން ލިބޭ ހެލްތު އައިޑީއަކީ، މީހުންގެ ދިރިއުޅުން ފަހި ކުރުމަށް ޑިޖިޓައިޒޭޝންގެ ބޭނުން ހިފުމުގެ ރަގަޅު ނަމޫނާއެކެވެ.
