ޖައްމޫ ކަޝްމީރުގައި އަނެއްކާވެސް ޓެރަރިސްޓް ޙަމަލާތައް އިތުރު ވެއްޖެއެވެ. މިދިޔަ ދިހަ ދުވަސް ތެރޭގައި ކަޝްމީރުގައި މަދަނީންގެ ހަތް މީހަކު ވަނީ މަރާލާފައެވެ. ކަޝްމީރުގެ ސިކު ދަރިކޮޅުގެ ލީޑަރުން ވަނީ ހާލަތު ހަމައަކަށް އެޅެން ދެން ސިކު ދަރިކޮޅުގެ މީހުން ގެއިން ބޭރަށް ނުނިކުމެ ތިބުމަށް އެދިފައެވެ.
ސްރީނަގަރުގެ އީދުގާހް އަވަށުގައި އިއްޔެ ސްކޫލެއްގައި ދެ ޓީޗަރަކުވެސ ްވަނީ މަރާލާފައެވެ.
ކަޝްމީރުގައި މައި މަދު ދަރިކޮޅުގެ މީހުންނަށް އަމާޒުކޮށްގެން ހަމަލާތައް ދެމުން ދިއުމުގެ މަގްސަދަކީ، އިޖުތިމާއީ ހަމަނުޖެހުން އުފެއްދުން ކަމަށް ،ކަޝްމިރުގެ ލީޑަރުން ތުހުމަތު ކުރެއެވެ.
ފުލުހުން ބުނާ ގޮތުގައި ހަމަނުޖެހުން އުފެއްދުމަށް މަސައްކަތް ކުރާ މީހުންގެ މަޢުލޫމާތު ހޯދުމުގައި ފުލުހުން ވަނީ ކުރި ހޯދާފައެވެ.
އަންގާރަ ދުވަހު ދިން ހަމަލާގައި މަދަނީންގެ ތިން މީހަކު މަރާލާފައި ވެއެވެ. އޭގެ ތެރޭގައި މީހުންގެ މެދުގައި މަގްބޫލު ބޭސްފިހާރައެއް ހިންގާ މީހަކާއި ޓެކްސީ ޑްރައިވަރަކާއި މަގުމަތީގައި ތަކެތި ވިއްކަން އުޅޭ މީހަކު ހިމެނެއެވެ. ޓެކްސީ ޑްރައިވަރަކީ މުސްލިމެކެވެ، އެހެން މީހުންނަކީ ބައި މަދު ދީންތަކުގެ މީހުންނެވެ.
ކަޝްމީރިގެ ސިޔާސީ ލީޑަރުން ވަނީ މި ހަމަލާތައް ކުށްވެރިކޮށްފައެވެ.
ކަޝްމީރުގައި ސުލްޙަ ނަގާލެވިފައި ވަނީ ކުއްލި ގޮތަކަށެވެ. ގިނަ ދިވަސްތަކެއް ހަމަޖެހުން ވަނީ ރަށު ތެރޭގައި ދެމިގެން ގޮސްފައެވެ.
ސަލާމަތީ ފަރާތްތަކުން ތުހުމަތު ކުރާ ގޮތުގައި ބައިމަދު ދަރިކޮޅުގެ މީހުންނަށް އަމާޒު ކުރުމުގެ މަގްސަދަކީ މީހުންގެ މެދުގައި ބިރުވެރިކަން އުފައްދައި އެކި ދަރިކޮޅުގެ މީހުންގެ މެދުގައި އެއްބަޔަކު އަނެއް ބަޔަކަށް ނަފްރަތު އުފެއްދުމެވެ.
ތާލިބާނުން އަފްޣާނިސްތާނަށް ވެރިވުމުން ޓެރަރިސްޓް ޖަމާއަތްތަކުން ކަޝްމީރަށް ފޭދި ގަންނާނެ ކަމަށް ކުރިންވެސް އޮތީ ލަފާ ކުރެވިފައެވެ. އަދި ޕާކިސްތާންގައި ހުންނަ ކޭމްޕްތައް ހަރަކާތްތެރިވާން ފަށާނެ ކަމަށް ބެލެވުނެވެ.
