ޕެންޑޯރާ ޕޭޕާސްގައި ސްރީލަންކާގެ ވެރިކަން ކުރާ އާއިލާވެސް ފާހަގަ ކޮށްފައި ވެއެވެ. ސްރީލަންކާގެ އިދިކޮޅު ފަރާތްތަކުން ވަނީ ޕާލަމެންޓްގައި ޕެންޑޯރާ ޕޭޕާސްގެ މައްސަލާގައި ސަރުކާރާ ދެކޮޅަށް ވާހަކަ ދައްކާފައެވެ.
ސްރީލަންކާގެ ރައީސަށް ބޮޑު ބޭބެ ވިދާޅުވާ ނިރޫޕަމާ ރާޖާޕަކްސަ އާއި އޭނާގެ ފިރިކަލުން ގެ ވާހަކަ ބޮޑު ކޮށް މި ޑޮކިއުމެންޓްތަކުން ފާހަގަ ކުރެވެއެވެ.
މި ދެމަފިރިން ވަނީ ވާރު މައާފްކޮށްފައިވާ ސަރަހައްދުތަކުގައި ކުންފުނިތައް ހަދައި ގިނަ އަދަދުތަކުން ބޭންކްތަކުގައި ފައިސާ ރައްކާކޮށްފައެވެ. އަދި ލަގްޒަރީ އެޕާޓްމެންޓާއި ކުންފުނިތަކުގެ ހިއްސާތަކާއި އަގު ބޮޑު ކުރެހުންތައް ގަނެ ފައިސާތައް އެސެޓަށް ބަދަލުކޮށްފައެވެ.
ސްރީލަންކާގެ ވެރިކަން ކުރާ އާއިލާއިން ފަހުން ބުނެފައި ވަނީ މި ދެމަފިރިންނަކީ އެމީހުންނާ ގުޅުމެއް އޮތް ބައެއް ނޫންކަމުގައި ބުނެފައެވެ.
ސްރީލަންކާގެ ރައީސް ވަނީ އޮކްޓޯބަރު 6 ގައި ގައުމުގެ އެންޓި ކޮރަޕްޝން ކޮމިޝަނަށް އެއް މަސް ދުވަހުގެ ތެރޭގައި މި މައްސަލަތައް ތަހުގީގުކޮށް ރިޕޯޓް އެކުލަވާލުމަށް އަންގަވާފައެވެ.
