އިންޑިއާގެ 300 ފަރާތެއްގެ ނަން ޕެންޑޯރާ ޕޭޕާސްގައި ފާހަގަ ކޮށްފައި ވެއެވެ. އޭގެ ތެރޭގައި ކުޅުން ތެރިޔާ ސަޗިން ޓެންޑުލްކާރާއި ވުނަދަންކާރު އަނިލް އަމްބާނީއާއި އިންޑިއާ ސަރުކާރަށް ފިލައިގެން އުޅޭ ނިރަވް މޯދީއާއި އޭނާގެ ކޮއްކޮ ކިރަން މާޒޫމް ދާރްގެ ނަން މުހިންމު ބައެއްގެ ގޮތުގައި ފާހަގަ ކުރެވެއެވެ.
ޕެންޑޯރާ ޕޭޕާސްގައި، ކުރީގެ ޕެނަމާ ޕޭޕާސްއާ ޚިލާފަށް އިންޑިއާ ސަރުކާރުގެ ވަޒީރުންގެ ނަންތައް ނުވަތަ އިސް މަސްއޫލުވެރިންގެ ނަންތައް ފެންނާކަށެއް ނެތެވެ.
ޕެނަމާ ޕޭޕާސްގައި މަން މޯހަން ސިންގ ގެ ސަރުކާރުގެ ވަޒީރުންގެ ނަންތައް ފާހަގަ ކުރެވުނެވެ. އިންޑިއާގައި ސަރުކާރުގެ ދާއިރާގައި ކޮރަޕްޝަން ނެތް ކަމަކަށް ނުބެލެވޭނެއެވެ.
މުއްސަނދިން ވާރު މައާފް ކޮށްފައިވާ ސަރަހައްދުތަކުގެ ކުންފުނިތައް ހަދައިގެން[ނާއި ބޭންކްތަކުގައި ފައިސާ ފޮރުވާފައިވާ ހިނދު ފަގީރުން ދަނީ އެމީހުންގެ ދިރިއުޅުމުގެ ކަންކަން ހަމަޖައްސަން ފައިސާ ފޮއްޗެއް ނުލިބިގެންނެވެ.
ސުލޫކު އަޅާނެ ފައިސާއާއި ހަސްފަތާލް ބިނާ ކުރާނެ ފައިސާއާއި ސަރުކާރުން މީހުންނަށް އެހީވާނެ ފައިސާއެއް ނުހުރެއެވެ. އަދި ބޭރުން އެހީ ހޯދަން ޖެހެއެވެ.
ހިލޭ އެހީ ދޭ އިނގިރޭސި ޖަމުއިއްޔާތަކުގެ އިއްތިހާދު އޮކްސްފާމްގެ އިންޑިއާ ގޮފިން ފާހަގަ ކުރި ގޮތުގައި ކޮންމެ އަހަރަކު ދުނިޔޭގެ ގައުމުތަކުގެ ސަރުކާރުތަކަށް 427 ބިލިއަން ޑޮލަރު ގެއްލިގެން ދެއެވެ. މި ފައިސާއަކީ މުއްސަނދިން ވާރު މައާފު ކޮށްފައިވާ ސަރަހައްދުތަކުގައި ފޮރުވާފައި ހުންނަ ޖުމުލަ ފައިސާގެ އަދަދެވެ.
ވާރު މައާފްކޮށްފައިވާ ސަރަހައްދުތަކުގައި ފައިސާތައް ރައްކާކުރުމުން ކޮރަޕްޝަނާއި ޖަރީމާތައް ހިންގުމަށް މަގުފަހި ވެގެން ދެއެވެ.
