ޕެންޑޯރާ ޕޭޕާސްއިން ނޭޕާލްގެ ސިޔާސީ ފަރާތްތަކުގެ ނަންތައްވެސް ފާހަގަ ކޮށްފައި ވެއެވެ. ނޭޕާލްގެ ވެރިކަން ކުރާ ފަންތީގެ އެތައް ފަރާތަކާ ގުޅުން ހުރި ނަންތަކެއް ޕެންޑޯރާ ޕޭޕާސްގައި ފާހަގަ ކޮށްފައި ވެއެވެ.
އެންމެ ހައިރާން ކުރަނިވި ކަމަކީ ދުނިޔޭގެ އެންމެ ކުޑަ ކޮށް ތަރައްގީވެފައިވާ މި ގައުމުގައި ވާރު މައާފްކޮށްފައިވާ ސަރަހައްދުތަކުގައި ރައްކާކުރުމަށް ސިޔާސީ ފަންތީގެ މީހުންގެ އަތްމަތީގައި ފައިސާ ހުރުމެވެ. ނޭޕާލަކީ ބޭރުގެ އެހީއަށް ބަރޯސާވާ ފަގީރު ގައުމެކެވެ.
ނޭޕާލްގެ އެންމެ މުއްސަނދި މީހާ ޗައުދަރީ ގްރޫޕްގެ ވެރިޔާ، ބިނޯދު ޗައުދަރީއާއި ގޯލްޗާ އޮގަނައިޒޭޝަންގެ ވެރިޔާ ދިވާކަރު ގޯލްޗާއާއި އަޖޭ ސުމާރްގީ ޕަރަޖޯލީގެ ނަން ބޮޑު ކޮށް ޕެންޑޯރާ ޕޭޕާސްގައި ނޭޕާލުން ފާހަގަ ކުރެވެއެވެ. ޗައުދަރީއާއި ގޯލްޗާއަކީ ނޭޕާލް ޕާލަމެންޓަށް 2008 ގައި ކުރިމަތިލި ދެމީޙުންނެވެ.
މި ދެމީހުންނަކީ ނޭޕާލްގެ މާއޮއިސްޓް ސެންޓަރ ޕާޓީއަށް ހޭދަކުރާ އެޕާޓީއާއި ގުޅުން ހުރި ދެ ފަރާތެވެ. މި ދެމީހުންވެސް ގިނަ އަދަދަކަށް ފައިސާ ގައުމުން ބޭރުކޮށް ބޭރުގައި ރައްކާކޮށްފައިވާ ކަމަށް މި ޑޮކިއުމެންޓްތަކުން ދައްކައެވެ.
