ޗައިނާގެ އުއިގޫރު މުސްލިމުންނަށް ދިމާވާ މައްސަލަތައް ރަމުޒުކޮށްދެނީ އަރްކިމް އިމިންޖާންއަށް ދިމާވެފައިވާ ހާލަތުންނެވެ. އޭނާއަކީ ފޯނުގައި ދީނީ މަޢުލޫމާތު ހުރެގެން އެތަކެތި މީހުންގެ ތެރޭގައި އަޑު އަހައި ހެދުމުގެ ކުށުގައި ހަ އަހަރު ވަންދެން އިސްލާހިއްޔާ ހުރަގެއަށް ކޮމިއުނިސްޓް ޕާޓީން ލައިގެން ގެންގުޅުނު މީހެކެވެ.
2017 ގައި އޭނާ އަނެއްކާވެސް ހައްޔަރުކޮށްފައި ދެ އަހަރަށް ޖަލަށް ލިއެވެ. އެފަހަރު އެނާ ޖަލަށް ލާފައި ވަނީ (ރޭޑިއޯ ފްރީ އޭޝިއާ ބުނާ ގޮތުން) ކުރީގެ ގައިދީއަކަށް ވެގެން ނެވެ.
އޭނާއަކީ ސަބަބެއް ދެއްކުމަކާ ނުލައި ހަ އަހަރު ވަންދެން ޖަލުގައި ބެހެއްޓުމުގެ ބަދަލު ހޯދުމަށް މަސައްކަތް ކުރި މީހެކެވެ. އޭނާ ޖަލަށް ގެންދިޔައީ 15 ދުވަހުގެ ކޯހެއް ފުރިހަމަކޮށް ޚިޔާލު ބަދަލު ކުރުމަށް އުނގެނުމަށެވެ. ނަމަވެސް އޭނާ އެތަނުން ނިކުތީ ދެ އަހަރު ފަހުންނެވެ.
އެކެއް ސެޕްޓެމްބަރު ގައި އޭނާގެ ބޮލުގައި ކަޅު ކޯރިއެއް އެޅުވުމަށްފަހު އޭނާ ހައްޔަރުކޮށްގެން ގެންގޮސްފައި ވަނީ ކީއްވެގެން ކަން އަދި ސާފެއް ނުވެއެވެ.
އަރްކިމް އިމިންޖާން އަކީ ވަޑާން ކޮށްގެން އާމްދަނީ ހޯދާ މީހެކެވެ. އެނާގެ މައިފުނަ ޖަގިސްތޭ އަވަށުގެ 20 އިންސައްތަ މީހުން ވަނީ ކޮމިއުނިސްޓް ޕާޓީން ހިންގާ ސިކުނޑި ދޮންނަ ހަރުގެތަކަށް ލައި ބަންދު ކޮށްފައެވެ.
އިންސާނީ ހައްގުތަކާ ބެހޭ ޖަމްއިއްޔާތަކާއި އދ. އިން ބުނާ ގޮތުން ޗައިނާއިން މުސްލިމު އުއިގޫރު ނަސްލު ނައްތާލުމަށް ކުރަމުން ދާ މަސައްކަތުގައި 1.8 މިލިނެއްހާ މުސްލިމުން ހުރަގެތަކުގައި ބަންދުކޮށްގެން ޗައިނާއިން ގެން ގުޅެއެވެ.
