ކަޝްމީރުގައި 48 ގަޑި އިރު ތެރޭގައި އަނިޔާވެރި ގޮތަކަށް ފަސް މީހުން މަރާލުމުން ސަލާމަތީ ފަރާތްތަކުން ޓެރަރިޒަމާ ދެކޮޅަށް ޚާއްސަ މަސައްކަތެއް ފަށައިފިއެވެ. ސަލާމަތީ ފަރާތްތަކުން ފެށި އޮޕަރޭޝަންގައި 430 މީހަކު ވަނީހައްޔަރު ކޮށްފައެވެ. މިމީހުންނަކީ، ޖައިޝޭ މުޙައްމަދުއާއި ލަަޗްކަރޭ ތޮއްޔިބާގެ ހަނގުރާމަވެރިން ނުވަތަ އެފރާތްތަކާ ގުޅުން އޮތް މީހުންނެވެ.
ކަޝްމީރަކީ ހަމަނުޖެހުން ފެތުރިފައި އޮތް ސަރަހައްދެކެވެ. ނަމަވެސް މިފަހަކަށް އައިސް ހިމޭންކަން ވެރިވެފައިވާ މީހުންނަށް އިގްތިސާދީ ވިޔަފާރި ފުރުސަތުތައް ފަހިވެފައި އޮތް ތަނެކެވެ. އެންމެ ފަހުގެ ހަމަނުޖެހުންތަކުން ދައްކަނީ އަދިވެސް ޓެރަރިޒަމް ކންޓްރޯލު ކުރުމަށް އިތުރު މަސައްކަތްތަކެއް ކުރަން ޖެހިފައިވާ ކަމެވެ.
މަރާލާފައިވާ މީހުންނަކީ ބައިމަދު ދީންގެ މީހުންނެވެ. ބޭސްފިހާރަ ހިންގާ މީހަކާއި މުދައްރިސުން ހިމެނެއެވެ.
ކަޝްމީރުގައި ބާއްވާފައިވާ ލޯކަލް އިލެކްޝަންއިންވެސް ދައްކައި ދީފައިވަނީ ފަހިކޮށްދީފައިވާ ފުރުސަތުތަކާއެކު މީޙުން ސިޔާސީ ޙަޔާތުގައި ބައވެރިވާން ބޭނުންވާ ކަމެވެ. ގިނަ އަދަދަކަށް މީހުން ވަނީ އިންތިޚާބްގައި ބައިވެރިވެފައެވެ.
އިންޑިއާއިން ގާނޫނުއަސާސީގެ މާއްދާ 370އަށް ބަދަލު ގެނަސް ކަޝްމީރަށް ޚާއްސަ ހައިސިއްޔަތެއް ދިނުމަށްފަހު ގިނަ އަދަދަކަށް އުމްރާނީ ތަރައްގީގެ މަސައްކަތާއި ވަޒީފާގެ ފުރުސަތުތައް މީހުންނަށް ފަހިވެގެން ގޮސްފައި ވެއެވެ.
