ތަޙޫރީކޭ ތާލިބާންގެ ހަނގުރާމަވެރިންނަށް ޕާކިސްތާނުން އަފޫއާންމެއް ދިނުމަށް ނިންމުމުން އެކަމާ ދެކޮޅަށް ތާލިބާންގެ އަނިޔާގެ ޝިކާރައަކަށްވި އާއިލާތަކުން ދެކޮޅު ހަދައިފިއެވެ. ތަހުރީކޭ ތާލިބާންގެ ހަނގުރާމަވެރިން 2014 ވަނަ އަހަރު ޕޭޝާވަރުގެ ސްކޫލަކަށް ހަމަލަދީ ގިނަ އަދަދެއްގެ ދަރިވަރުން މަރާލައިގެން ޙުކުމް ކޮށްފައިވެއެވެ. ޕާކިސްތާން ސަރުކާރުން ދަނީ މިމީހުންނަށްވެސް އަފޫއާންމެއް ދިނުމަށް މަސައްކަތް ކުރަމުންނެވެ.
ޕޭޝާވަރުގެ ޕްރެސް ކްލަބްގެ ކުރިމަތީގައި ޕޭޝާވަރު ސްކޫލަށް ދިން ހަމަލާގައި މަރުވި ކުދިންގެ އާއިލާތަކުން އިއްޔެ ވަނީ މުޒާހަރާ ކޮށްފައެވެ. މިމީހުން އެދިފައި ވަނީ ސަރުކާރުން ތާލިބާނަށް މައާފު ނުދިނުމަށެވެ.
މުޒާހަރާ ކުރި މީހުން ވަނީ ރައީސް އާރިފް އަލަވީއާއި ބޮޑު ވަޒީރު އިމްރާން ޚާނާ ދެކޮޅަށް ޝިއާރުތައް އުފުލާފައެވެ.
ޕާކިސްތާން ސަރުކާރުން ބުނާ ގޮތުން ތާލިބާނުން އެމީހުންގެ ހަރުކަށި ގޮތްތައް ދޫކޮށްލައިފިނަމަ، ސަރުކާރުން އެމީހުންނަށް އަފޫއާންމެއް ދީފާނެއެވެ.
