އިންސާނީ މި ޙަޔާތުގައި ލޯތްބަކީ ވަރަށް މުހިއްމު އެއްޗެކެވެ. ކޮންމެ އިންސާނަކުވެސް އެމީހަކުދެކެ ތެދުވެރި ލޯބިވާ ބައިވެރިއަކު ބޭނުންވެއެވެ. އޭނާދެކެ ޙަގީގީ ލޯބީވާ ބައިވެރިވެރިއަކު ހޯދަން މަސައްކަތް ކުރެއެވެ. ނަމަވެސް މި ނަސީބު ލިބެނީ ވަރަށް މަދު ބަޔަކަށެވެ. ބައެއް މީހުން މުޅި ޙަޔާތް އެކަނިވެރިކަމުގައި ހޭދަކޮށްލަނީ އޭނާދެކެ ތެދުވެރި ލޯބިވާ ބައިވެރިއަކު ނުލިބުމުންނެވެ.
ތިރީގައި މި ބަޔާންކޮށްލަނީ ހަގީގީ ލޯބިވާ ފިރިހެނެއްގެ ކިބައިން ފެންނާނެ 6 ސިފައެކެވެ. ޙަޔާތުގެ ބައިވެރިއަކު ޚިޔާރުކުރާ ކަނބަލުން ވިސްނާލުމަށްޓަކައެވެ.
1. ޙަޔާތުގެ ހުރިހާ ކަމެއްގައި ތިބާ ޝާމިލު ކުރާނެ.
ފިރިހެނަކު އަންހެނަކުދެކެ ތެދުވެރި ލޯބިވާނަމަ، އޭނާގެ ދިރިއުޅުމާއި ގުޅިފައިވާ ހުރިހާ ކަމެއްގައި ތިބާ ބައިވެރި ކުރާނެއެވެ. އާއިލާ އާއި ރަހުމަތްތެރީންނަށް ތިބާ ތަޢާރަފުކޮށްދީ އެމީހުންވެސް ތިބާދެކެ ލޯބި ވުމަށް އެދޭނެއެވެ. އަދި ތިބާވެސް އެ އެންމެންދެކެ ލޯބިވެ ގާތް ގުޅުމެއް ބެހެއްޓުމަށް އެދޭނެއެވެ. އަދި ތިބާ އަކީ އޭނާގެ އެއްބައި ކަމުގައި ގަބޫލުކޮށް ޙަޔާތުގެ މުހިއްމު ކަންކަމުގައި ތިބާ ބައިވެރިކުރާނެއެވެ. އަދި ކަންކަމުގައި ތިބާގެ ޚިޔާލާއި ލަފާ ހޯދާނެއެވެ.
2. ކަންކަމަށް އެދުމަށްވުރެ ކަންތައްތައް ކޮށްދެވޭތޯ މަސައްކަތް ކުރާނެ.
ވަފާތެރި ލޯބީގައި ހޯދުމަށްވުރެ ދިނުމަށް އިސްކަން ދޭނެއެވެ. ތިބާދެކެ ވަފާތެރި ލޯބިވާ މީހަކު ބަލާނީ އަބަދުވެސް ތިބާ ހިތްހަމަޖެއްސޭނެ ގޮތަކަށް އަމަލުތައް ބެހެއްޓޭތޯއެވެ. އޭނާ ތިބާއަށް އިޙްތިރާމު ކުރާނެއެވެ. ގަދަރާއި ޢިއްޒަތްދޭނެއެވެ. ތިބާގެ ވާހަތައް އަޑު އަހާނެއެވެ. ލޯތްބާއި ކުލުނާއި އަޅާލުމުން ތިބާގެ ޙަޔާތަށް އުފާވެރިކަން ގެނެސްދޭނެއެވެ.
3. އަހަންނެއްނޫން ނަމަވެސް "އަހަރެމެން"
ތިޔައީ ވަކި ދެފަރުދުން ކަމުގައިވިޔަސް ގުޅިފައިވާ ބައިވެރިންނެވެ. ތިބާދެކެ ހަގީގީ ލޯބިވާ ފިރިހެނެއްނަމަ އޭނާ ދެކޭނީ ތިބާ އަކީ އޭނާއާއި ވަކި ނުކުރެވޭނެ މީހެއް ކަމުގައެވެ. ތިބާ އެކަހެރިކޮށް އެވެސް ކަމެއް އޭނާ ނުކުރާނެއެވެ. ޗުއްޓީ އަކަށް ދާން ނިންމިއަސް އަދި މުސްތަޤުބަލަށް ރާވާ ކޮންމެ ކަމެއްގައި އޭނާ އާއެކު ތިބާވެސް ބައިވެރި ކުރާނެއެވެ. މިއީ "އަހަރެންގެ" ދިރިއުޅުމެކޭ ނުބުނާނެއެވެ. އަބަދުވެސް ބުނާނީ "އަހަރެމެންގެ" ދިރިއުޅުމެވެ.
4. އޭނާގެ ކުރިމަތިން އަބަދުވެސް ތިބާ ސިފަ ވާނެ
ކިތައް މީހުންނަށް ތިބާ ސިފަވޭހެއްޔެވެ؟ ތިބާ އެއްޗެއް ނުބުނަނީސް ބުނަން ބޭނުންވާ އެއްޗެއް އެނގޭނެ ކިތަންމީހުން އުޅޭނެ ހެއްޔެވެ؟
ތިބާދެކެ ހަގީގީ ލޯބިވާ ފަރާތެއްނަމަ އެހެން އެއްވެސް މީހަކަށް ނޭނގޭ މިންވަރަށް އޭނާ އަށް ތިބާ އެނގޭނެއެވެ. ތިބާ އުފާވާ ކަންތަކާއި ދެރަވާ ކަންތަކާ ރުޅި އަންނަކަންތަކާއި ހިތްހަމަ ނުޖެހޭ ކަންތައް ތިބާ ނުބުނިކަމުގައި ވިޔަސް އޭނާ އަށް އެނގޭނެއެވެ. ތިބާގެ ކިބައިގައި ހުންނަ މިއަށްވުރެ ކުދިކުދި ސިފަތައްވެސް އޭނާ ދެނެގަންނާނެއެވެ.
5. ތިބާގެ އުފަލަކީ އޭނާގެވެސް އުފަލެއް
ތިބާދެކެ ހަގީގީ ލޯބިވާ ފިރިހެނެއްނަމަ، ތިބާ ހިތްހަމަޖެހުމާއި އުފަލުގެ ބައިވެރިއަކަށްވާނެއެވެ. އަދި ދިމާވާ ހިތްދަތިކަމާއި ދަތިތަކުގައި އެހީތެރިއަކަށް އޭނާ ވާނެއެވެ. ލޯބިވުމަކީ އެކަކު އަނެކަކަށް އެހީތެރިކަން ފޯރުކޮށްދޭ ބައިވެރިއަކަށް ވުމެވެ. ފިރިހެނަކު އަންހެނަކުދެކެ ހަގީގީ ލޯބިވާނަމަ، އަބަދުވެސް އޭނާގެ ލޯބިވެރިޔާ އުފަލުގައި ބަހައްޓާނެއެވެ. އަދި އުފަލުގައި ބެހެއްޓުމަށް މަސައްކަތް ކުރާނެއެވެ.
6. އަމިއްލަ އަށް އިހުސާސް ވުން
މީހަކު ތިބާދެކެ ހަގީގީ ލޯބިވާނަމަ އެކަން ތިބާ އަށް އިހުސާސް ކޮށްދޭނެއެވެ. އޭނާ ކުރާ ވައުދުތައް ފުއްދާނެއެވެ. ތިބާ އޭނާގެ އިހުސާތަކާއިމެދު ވިސްނާކަން ނުޖެހޭނެއެވެ. އޭނާ ތިބާގާތު ބުނާނެއެވެ. އަދި ތިބާ އަށް އެކަން އަންގައިދޭނެއެވެ.
