އޮޅުވެލި ފުށީ ކައިރިން ލޯންޗެއް އަޑިއަށް ގޮސް ކުޑަކުއްޖަކު ގެއްލިއްޖެ އެވެ.
ފުލުހުން ބުނީ މާލެ އިން ވ.އަތޮޅަށް ދަތުރުކުރަމުންދިޔަ ލޯންޗެއް އޮޅުވެލި ކައިރިން ދިޔަވެ އަޑިއަށްދާ ކަމުގެ މައުލޫމާތު މިއަދު ހަވީރު 17:30 ހާއިރު ލިބިފައިވާ ކަމަށެވެ.
މި ހާދިސާގައި އެ އެ ލޯންޗުން މޫދަށް ވެއްޓުނު ތިން މީހުންގެ ތެރެއިން ދެ މީހުން މިހާރު ފެނިފައިވާއިރު ހަތަރު އަހަރުގެ ކުއްޖާ އަދިވެސް ފެނިފައި ނުވާ ކަމަށް ފުލުހުން ބުނެއެވެ. އެ ލޯންޗު މިހާރު ވަނީ ގުރައިދޫ ފަޅަށް ވައްދާފައެވެ.
މި ހާދިސާ ހިނގި ސަރަހައްދުގައި ފުލުހުންނާއި އެމްއެންޑީއެފް ކޯސްޓްގާޑު މިހާރު އަންނަނީ ހަރަކާތްތެރިވަމުންނެވެ.
