ބޭންކް އޮފް މޯލްޑިވްސް، ބީއެމްއެލްއަށް މިއަހަރުގެ 3 ވަނަ ކުއާޓަރުގައި ލިބުނު ފައިދާ 15 އިންސައްތަ އިތުރުވެއްޖެއެވެ.
ބީއެމްއެލްއިން އާންމުކޮށްފައިވާ ރިޕޯޓުން ދައްކާގޮތުން މިދިޔަ އަހަރުގެ 3 ވަނަ ކުއާޓަރުގައި ބީއެމްއެލްއަށް ލިބިފައިވަނީ 224 މިލިއަން ރުފިޔާއެވެ. ނަމަވެސް މިއަހަރުގެ 3 ވަނަ ކުއާޓަރުގައި ފައިދާގެ ގޮތުގައި އެ ބޭންކަށް 259 މިލިއަން ރުފިޔާ ލިބިފައިވާތީ މިއީ މިދިޔަ އަހަރުގެ މި މުއްދަތާއި އަޅާބަލާއިރު 15 އިންސައްތައިގެ އިތުރުވުމެކެވެ.
3 ވަނަ ކުއާޓަރުގައި ބޭންކަށް ލިބުނު އާމްދަނީ އިތުރުވެފައިވަނީ ކޯވިޑް19 އިން އަރައިގަނެ އިޤްތިޟާދު ރަނގަޅުވަމުން އަންނާތީކަމަށް ބީއެމްއެލްއިން ވަނީ ބުނެފައެވެ.
ބީއެމްއެލް އިން ވަނީ ތިން ވަަނ ކުއާޓާަރ ގައި ލޯނު ދެއްކުން 3 މަހަށް ފަސްކޮށްދިދީފައެވެ.
