ޕާކިސްތާންގައި އާންމު ބާވަތުގެ މުދަލުގެ އަގު 12 ޕަސެންޓަށް ވުރެން މައްޗަށް ހިނގައްޖެއެވެ. ޕާކިސްތާން ބިއުރޯ އޮފް ސްޓެޓިސްޓިކްސްއިން ބުނާ ގޮތުން މުދަލުގެ އަގު ވަނީ 12.66 ޕަސެންޓަށް އިތުރު ވެގެން ގޮސްފައެވެ.
ތަފާސްހިސާބާ ބެހޭ އިދާރާއިން ބުނެފައި ވަނީ 22 ބާވަތެއްގެ މުދަލެއްގެ އަގު މަތިވެފައިވާ ކަމަށެވެ. އޭގެތެރޭގައި ޓޮމާޓޯއާއި އަލުއްވާއި ގެރިމަހާއި ކައްކާ ގޭސް އަދި ގިތެޔޮގެ އަގުވެސް ވަނީ އިންތިހާއަށް ބޮޑުވެފައެވެ.
ގޭސް ސިލިންޑަރަކުން 44 ރުޕީސް ބޮޑުވެފައިވާ އިރު، ގެރިމަހުގެ އަގަށް ފަސް ރުޕީސް އިތުރު ވެފައި ވެއެވެ. ކުކިންގ އޮއިލްގެ އަގުވެސް ވަނީ ކުރިއަށް ވުރެން 14 ރުޕީސް ބޮޑުވެފައެވެ. އަދި ދޮންނަ ކުނޑިން 10 ރުޕީސްވެސް ބޮޑުވެފައި ވެއެވެ.
