ޕާކިސްތާންގެ ހަރުކަށި ތަޙްރީކޭ ލައްބައިކަ ޔާރަސޫލުﷲ ޕާޓީގެ މީހުން ލާހޯރުގައި މަގުތަކަށް ނިކުމެއްޖެއެވެ. ފުލުހުންނާއި ތަހުރީކޭ ލައްބައިކަ މީހުންނާ ހުނގި ހަމަނުޖެހުންތަކުގައި ފުލުހުންގެ ތިން މީހަކު މަރުވެފައިވާ ކަމަށް ފުލުހުން ބުނެއެވެ.
ތަހްރީކޭ ލައްބައިކަ މީހުން ވަނީ އާންމު މުދަލާއި ފިހާރަތަކަށް ގެއްލުން ދީފައެވެ. ފުލުހުން ބުނިގޮތުގައި އެމީހުން މަސައްކަތް ކުރީ މިމީހުންނަށް ހުރަސް އަޅާށެވެ.
ތަހްރީކޭ ލައްބައިކަ ޖަމާއަތުގެ ލީޑަރުން ބުނަނީ ފުލުހުން އެމީހުންގެ ސުލްހަވެރި މުޒާހަރާއަށް ހުރަސް އެޅީ ކަމަށެވެ.
ހައްދުފަހަނައަޅާފައިވާ ބްރޭލްވީ ފިކުރުގެ ލައްބައިކަ ޔާރަސޫލުﷲ ޕާޓީއަކީ ފްރާންސްގެ އެމެބެސެޑަރު ބޭރުކުރުމަށް މުޒާހަރާ ކުރި ޕާޓީއެކެވެ. މި ޕާޓީގެ ލީޑަރު ސައުދު ރިޒްވީ ހައްޔަރުކޮށްފައި ސަރުކާރުން ވަނީ ޕާޓީ މަނާ ޕާޓީއަކަށް ހަދާފައެވެ.
ތަހުރީކޭ ލައްބައިކަ މީހުން ގޮވާލަމުން ދިޔައީ އެމީހުންގެ ލީޑަރު ޖަލުން މިނިވަން ކުރުމަށެވެ.
